கோவையில் குழந்தைகளின் தற்செயலான சுட்டித்தன விளையாட்டு சிறந்த வீடியோக்களுக்கு விருது வழங்கி கவுரவிப்பு

கோவை : குழந்தைகளின் தற்செயலான சுட்டித்தன விளையாட்டு வீடியோக்களில் சிறந்த வீடியோக்கள் தேர்வு செய்யப்பட்டு, கோவையில் முதன்முறையாக விருதுகள் வழங்கப்பட்டது.

இடையர்பாளையம் பூம்புகார் பகுதியில் செயல்பட்டு வரும் கே.கே.இசட் சிஷ்யாலாயா மழலையர் பள்ளி கோடைகால விடுமுறையை முன்னிட்டு குழந்தைகளுக்கென வினோத போட்டிகளை அறிமுகம் செய்தது. அதாவது, வீடுகளில் விளையாடும் குழந்தைகளின் தற்செயலான செயல்கள் மற்றும் சுட்டித்தனங்களை வீடியோவாக பதிவு செய்து, அவற்றை பள்ளியின் வலைதள பக்கத்தில் பதிவு செய்ய கோரியிருந்தனர். அதன்படி வந்த பல நூறுக்கணக்கான வீடியோக்களை சமூக வலைதளங்களான யூ-டியூப் மற்றும் முகநூல் பக்கங்களில் பதிவு செய்து, அதில் அதிகமான விருப்பங்களை பெறும் வீடியோக்கள் தேர்வு செய்யப்பட்டு, அந்த குழந்தைகளுக்கு பரிசுகள் வழங்கப்பட்டன.



இது குறித்து பள்ளி தாளாளர் சௌந்தர்யா கிருஷ்ணமூர்த்தி செய்தியாளர்களிடம் பேசுகையில், “கோடை கால விடுமுறையில் வீட்டில் இருக்கும் குழந்தைகள் ஏதாவது சுட்டிதனங்கள் செய்வதை பதிவாக வெளியிட்ட இந்த வீடியோக்களை இலட்சக்கணக்கானவர்கள் கண்டு விருப்பம் தெரிவித்துள்ளனர். தற்போது இது போன்ற வீடியோக்கள் பதிவிற்கென நகரில் முதன் முறையாக கோவை கிட்ஸ் லவ்லி வீடியோஸ் எனும் வலைதளப்பக்கத்தை உருவாக்கியுள்ளோம்,” என்று கூறினார்.