கபாலி ரஜினிகாந்த் உள்ளிட்ட மெழுகுசிலை உருவங்கள் கொண்டஅருங்காட்சியகம் உதகையில் திறப்பு

நீலகிரி : சுற்றுலா பயணிகளை மகிழ்விக்க எலிசபெத் ராணி, கபாலி ரஜினிகாந்த், பீம் உள்ளிட்டவர்களின் மெழுகு கொண்ட சிலை உருவங்கள் கொண்ட அருங்காட்சியகம் உதகையில் திறக்கப்பட்டுள்ளது.



மலைகளின் அரசியாக திகழும் உதகையில் தற்போது கோடை சீசன் துவங்கியுள்ள நிலையில் சுற்றுலா பயணிகளை வெகுவாக கவர்ந்து வருவது அரசு தாவரவியல் பூங்கா, ரோஜா பூங்கா, தேயிலை பூங்கா, தொட்டபெட்டா சிகரம் உள்ளிட்ட பலதரப்பட்ட சுற்றுலா தலங்கள் இந்த பட்டியலில் தற்போது புதிதாக சேர்ந்திருப்பது வேக்ஸ் பிளானெட் என்றழைக்கப்படும் மெழுகு அருங்காட்சியகம். 



மெழுகு சிற்பங்களை வடிவமைப்பதில் உலகிலேயே முன்னோடியாக திகழும் லண்டனிலுள்ள ஒப்பற்ற மெழுகு கலை நிறுவனமாக மேடம் டஸீட்ஸ் தொழில்நுட்பத்தை அடிப்படையாக கொண்டு இந்த அருங்காட்சியம் ஏற்படுத்தப்பட்டுள்ளது.



மேலும், இந்த அருங்காட்சியகத்தில் எலிசபெத் ராணி, பிரபல ஹாலிவுட் நடிகர் அர்னால்டு, ஜாக்கி ஜான், பாலிவுட் நடிகர் அமிதாப் பட்சன், கபாலி ரஜினிகாந்த், குழந்தைகளை அதிகம் கவர்ந்த பீம், புரூஷ்லீ, குரங்கு மனிதன் உள்ளிட்ட உருவங்களுக்கு உயிரோட்டம் அளித்ததை போன்று வடிவமைக்கப்பட்டிருப்பது பார்வையாளர்களை வெகுவாக கவர்ந்து வருகிறது.



சினிமா நடிகர்களின் உருவங்கள் தத்ரூபமாக வடிவமைக்கப்பட்டு காட்சிப்படுத்தப்பட்டுள்ளது.