நீலகிரி : முதுமலையில் சுற்றுலாப் பயணிகளின் வசதிக்காக யானை சவாரிகளின் எண்ணிக்கை அதிகரிக்கப்பட்டுள்ள நிலையில், யானைகளில் சவாரி செய்ய சுற்றுலாப் பயணிகள் ஆர்வம் காட்டி வருகின்றனர்.
நீலகிரி : முதுமலையில் சுற்றுலாப் பயணிகளின் வசதிக்காக யானை சவாரிகளின் எண்ணிக்கை அதிகரிக்கப்பட்டுள்ள நிலையில், யானைகளில் சவாரி செய்ய சுற்றுலாப் பயணிகள் ஆர்வம் காட்டி வருகின்றனர்.
நீலகிரி மாவட்டத்தில் கோடை சீசன் தொடங்கி உள்ளது. இதனால், வெளி மாவட்டங்கள் மற்றும் வெளி மாநிலங்களில் இருந்து சுற்றுலாப் பயணிகள் அதிகளவில் வந்து செல்கின்றனர். குறிப்பாக, முதுமலை புலிகள் காப்பகத்தை சுற்றிப் பார்க்க தினமும் ஆயிரக்கணக்கான சுற்றுலாப் பயணிகள் வருகின்றனர். இங்கு குடும்பத்துடன் வரும் சுற்றுலாப் பயணிகள் வாகன சவாரி மற்றும் யானை சவாரி செய்து, இயற்கை எழில் காட்சிகள் மற்றும் வனவிலங்குகளைக் கண்டு ரசிக்கின்றனர்.
முதுமலையில் கும்கி யானைகள் மூலம் காலை மற்றும் மாலை நேரங்களில் சவாரி நடத்தப்படுகிறது. தற்போது, யானை சவாரி செய்ய சுற்றுலாப் பயணிகள் அதிக ஆர்வம் காட்டுகின்றனர். முதுமலையில் ஆரம்பத்தில் 2 கும்கி யானைகள் மூலம் யானை சவாரி நடத்தப்பட்டு வந்தது. இதனால், யானை சவாரி செய்ய வரும் பெரும்பாலான சுற்றுலாப் பயணிகள் கால தாமதத்தால் சவாரி செய்ய முடியாமல் ஏமாற்றத்துடன் திரும்பி செல்லும் நிலை ஏற்பட்டது.
ஆனால், இந்த ஆண்டு சுற்றுலாப் பயணிகளுக்காக முதல் முறையாக 6 கும்கி யானைகள் மூலம் சவாரி நடத்த புலிகள் காப்பக நிர்வாகம் நடவடிக்கை எடுத்து உள்ளது. இதற்காக, சங்கர், உதயன், விஜய், இந்தர், சுமங்கலா, பொம்மன் ஆகிய யானைகளுக்கு சிறப்பு பயிற்சி அளிக்கப்பட்டது. இதனால், நாள் ஒன்றுக்கு 24 முறை யானை சவாரி நடத்தப்படுகிறது. கூடுதல் யானைகளைக் கொண்டு சவாரி நடத்தப்படுவதால் சுற்றுலாப் பயணிகள் மகிழ்ச்சி அடைந்துள்ளனர்.
இதுகுறித்து தெப்பக்காடு முன்பதிவு மைய வனச்சரகர் விஜய் கூறுகையில், "முதுமலையில் இதுவரை 2 யானைகள் மூலம் காலையில் 2 முறையும், மாலை 2 முறையும் என மொத்தம் 4 முறை சவாரி நடத்தப்பட்டு வந்தது. இதனால், யானை சவாரி செல்ல விரும்பும் சுற்றுலாப் பயணிகள் காலதாமதம் காரணமாக ஏமாற்றம் அடையும் நிலை இருந்தது. ஆனால், தற்போது 6 யானைகள் மூலம் சவாரி அனுப்புகிறோம். இதற்கு சுற்றுலாப் பயணிகளிடம் நல்ல வரவேற்பு கிடைத்து உள்ளது. இதற்காக ரூ. 1,120 கட்டணமாக வசூலிக்கப்படுகிறது, என்றார்.
நீலகிரி மாவட்டத்தில் கோடை சீசன் தொடங்கி உள்ளது. இதனால், வெளி மாவட்டங்கள் மற்றும் வெளி மாநிலங்களில் இருந்து சுற்றுலாப் பயணிகள் அதிகளவில் வந்து செல்கின்றனர். குறிப்பாக, முதுமலை புலிகள் காப்பகத்தை சுற்றிப் பார்க்க தினமும் ஆயிரக்கணக்கான சுற்றுலாப் பயணிகள் வருகின்றனர். இங்கு குடும்பத்துடன் வரும் சுற்றுலாப் பயணிகள் வாகன சவாரி மற்றும் யானை சவாரி செய்து, இயற்கை எழில் காட்சிகள் மற்றும் வனவிலங்குகளைக் கண்டு ரசிக்கின்றனர்.
முதுமலையில் கும்கி யானைகள் மூலம் காலை மற்றும் மாலை நேரங்களில் சவாரி நடத்தப்படுகிறது. தற்போது, யானை சவாரி செய்ய சுற்றுலாப் பயணிகள் அதிக ஆர்வம் காட்டுகின்றனர். முதுமலையில் ஆரம்பத்தில் 2 கும்கி யானைகள் மூலம் யானை சவாரி நடத்தப்பட்டு வந்தது. இதனால், யானை சவாரி செய்ய வரும் பெரும்பாலான சுற்றுலாப் பயணிகள் கால தாமதத்தால் சவாரி செய்ய முடியாமல் ஏமாற்றத்துடன் திரும்பி செல்லும் நிலை ஏற்பட்டது.
ஆனால், இந்த ஆண்டு சுற்றுலாப் பயணிகளுக்காக முதல் முறையாக 6 கும்கி யானைகள் மூலம் சவாரி நடத்த புலிகள் காப்பக நிர்வாகம் நடவடிக்கை எடுத்து உள்ளது. இதற்காக, சங்கர், உதயன், விஜய், இந்தர், சுமங்கலா, பொம்மன் ஆகிய யானைகளுக்கு சிறப்பு பயிற்சி அளிக்கப்பட்டது. இதனால், நாள் ஒன்றுக்கு 24 முறை யானை சவாரி நடத்தப்படுகிறது. கூடுதல் யானைகளைக் கொண்டு சவாரி நடத்தப்படுவதால் சுற்றுலாப் பயணிகள் மகிழ்ச்சி அடைந்துள்ளனர்.
இதுகுறித்து தெப்பக்காடு முன்பதிவு மைய வனச்சரகர் விஜய் கூறுகையில், "முதுமலையில் இதுவரை 2 யானைகள் மூலம் காலையில் 2 முறையும், மாலை 2 முறையும் என மொத்தம் 4 முறை சவாரி நடத்தப்பட்டு வந்தது. இதனால், யானை சவாரி செல்ல விரும்பும் சுற்றுலாப் பயணிகள் காலதாமதம் காரணமாக ஏமாற்றம் அடையும் நிலை இருந்தது. ஆனால், தற்போது 6 யானைகள் மூலம் சவாரி அனுப்புகிறோம். இதற்கு சுற்றுலாப் பயணிகளிடம் நல்ல வரவேற்பு கிடைத்து உள்ளது. இதற்காக ரூ. 1,120 கட்டணமாக வசூலிக்கப்படுகிறது, என்றார்.