கோவை - சென்னை எஸ்.இ.டி.சி. ஏ.சி. சொகுசு பேருந்தின் பயண விபரம்

கோவை : கோவை - சென்னை இடையிலான அதிவிரைவு ஏ.சி. பேருந்து சேவையின் பயண நேரம் மற்றும் கட்டணம் பற்றிய விபரங்கள் வெளியிடப்பட்டுள்ளது.

பொதுமக்களின் வசதிக்காக கோவை மற்றும் சென்னை இடையே நாள்தோறும் அடிப்படையில் ஏ.சி. படுக்கையுடன் கூடிய பேருந்து சேவையை தமிழக போக்குவரத்து கழகம் அறிமுகம் செய்துள்ளது. கோவை பிராந்தியத்தில் மட்டும் 4 பேருந்துகள் இயக்கப்பட்டு வருகின்றன. கோவையில் இருந்து தினமும் மாலை 6.30 மணிக்கு இயக்கப்படும் ஏ.சி. படுக்கையுடன் கூடிய பேருந்து, மறுநாள் காலை 3.30 மணிக்கு சென்றடைகிறது. இந்தப் பேருந்தில் பயணம் செய்ய நபருக்கு ரூ. 1,200 (முன்பதிவு கட்டணம் தவிர்த்து) வசூலிக்கப்படுகிறது.

இதேபோல, இரவு 10.25 மணிக்கு புறப்படும் மற்றொரு பேருந்து, மறுநாள் காலை 07.25 மணிக்கு சென்னையை சென்றடைகிறது. இந்தப் பேருந்தில் பயணம் செய்ய நபருக்கு ரூ. 1,020 (முன்பதிவு கட்டணம் தவிர்த்து) வசூலிக்கப்படுகிறது.

இந்தப் பேருந்தில் பயணம் செய்ய பயண நாளில் இருந்து 30 நாட்களுக்கு முன்பாக www.tnstc.in என்ற இணையதள பக்கத்தில் முன்பதிவு செய்ய வேண்டும்.