கோவை மக்கள் நீதி மய்யம் வேட்பாளர் ஆர். மகேந்திரன் பொள்ளாச்சியில் குடும்பத்துடன் வாக்களித்தார்

கோவை : கோவை நாடாளுமன்ற தொகுதியின் மக்கள் நீதி மய்யம் வேட்பாளர் ஆர். மகேந்திரன் பொள்ளாச்சியில் தனது குடும்பத்தினருடன் சென்று வாக்களித்தார்.

கோவை நாடளுமன்ற தொகுதியில் மக்கள் நீதி மய்யம் சார்பில் அக்கட்சியின் துணை தலைவரான ஆர். மகேந்திரன் போட்டியிட்டுள்ளார். கடந்த ஒரு மாதமாக வாக்குசேகரிப்பில் ஈடுபட்டு வந்த அவர், இன்று நடைபெற்று வரும் நாடாளுமன்ற தேர்தலுக்கான வாக்குப்பதிவின் போது, குடும்பத்தினருடன் சென்று வாக்களித்தார். பொள்ளாச்சி தொகுதியில் உள்ள பொன்னாகரம் வாக்குச்சாவடியில் ஆர். மகேந்திரன் தனது வாக்கினை பதிவு செய்தார்.



அதேபோல, மக்கள் நீதி மய்யம் கட்சியின் தலைவரும், நடிகருமான கமல்ஹாசன், தனது மகள் ஸ்ருதி ஹாசனுடன் ஆழ்வார்பேட்டையில் உள்ள வாக்குச்சாவடியில் நீண்ட வரிசையில் நின்று வாக்களித்தார். 

மக்கள் நீதி மய்யம் கட்சி தொடங்கி ஒரு ஆண்டுகள் ஆன நிலையில், இந்த நாடாளுமன்ற தேர்தலில் முதல் முறையாக போட்டியிட்டு இருப்பது குறிப்பிடத்தக்கது.