கோவை : வரும் நாடாளுமன்ற தேர்தலில் கோடிக்கணக்கான பணத்தை செலவு செய்து தேர்தலில் வெற்றிபெற அரசியல் கட்சிகள் முயற்சி காட்டி வரும் நிலையில், விதி மீறுபவர்கள் மீது முடிந்த வரை வழக்குப் பதிவு செய்ய தேர்தல் ஆணையம் தீவிரம் காட்டி வருகிறது.
கோவை : வரும் நாடாளுமன்ற தேர்தலில் கோடிக்கணக்கான பணத்தை செலவு செய்து தேர்தலில் வெற்றிபெற அரசியல் கட்சிகள் முயற்சி காட்டி வரும் நிலையில், விதி மீறுபவர்கள் மீது முடிந்த வரை வழக்குப் பதிவு செய்ய தேர்தல் ஆணையம் தீவிரம் காட்டி வருகிறது.
தமிழகத்தில் தேர்தல் தேதி அறிவிக்கப்பட்டதைத் தொடர்ந்து, வேட்பு மனு தாக்கல் செய்யப்பட்டது. பின்னர், தற்போது பிரச்சாரங்கள் சூடு பிடித்துள்ளது. இந்த நிலையில், வாக்காளர்களுக்கு பணம் கொடுப்பதற்காக அரசியல் கட்சிகள் மற்றும் பல நபர்கள் கணக்கில் இல்லாத பணங்களை கொண்டு செல்கின்றனர். இப்படி கொண்டு செல்லும் பணங்கள் ஆங்காங்கே தேர்தல் பறக்கும் படை அதிகாரிகளால் பிடிக்கப்படுகிறது. அதே சூழலில், கோடிக்கணக்கான ரூபாய்களை செலவு செய்து ஓட்டுகளை பெற அரசியல் கட்சிகள் போட்டி போட்டுக் கொள்கின்றன. மேலும், வெற்றி வாய்ப்பை மட்டுமே கணக்கிடும் அரசியல் கட்சிகள் விதிகளுக்கு அப்பாற்பட்டு வாக்குக்கு பணம் கொடுப்பதை கணக்கிலே கொள்வதில்லை.
அதேபோல, முந்தைய காலங்களில் பிரச்சாரத்திற்கு பொதுமக்கள் போட்டி போட்டுக் கொண்டு வருவர். ஆனால், தற்போது பிரச்சாரத்திற்கு வரும் பொதுமக்களின் எண்ணிக்கைகள் குறைவாகி வருகிறது. இதனால், பொதுமக்களுக்கு ரூ. 200, ரூ. 300, ரூ. 500 என கொடுத்து வந்த அரசியல்வாதிகள் தற்போது ஆயிரம் ரூபாய் என கொடுக்க தயாராகி உள்ளனர். இந்த ஆயிரம் ரூபாய் கொடுக்கும் பொழுது பொதுமக்கள் மகிழ்ச்சியுடன் பிரச்சாரத்திற்கு வருவதாக அரசியல் கட்சியினர தெரிவிக்கின்றனர்.
இந்த நிலையில், இந்த தேர்தலை நேர்மையாகவும், நியாயமாகவும் நடத்த வேண்டும் என தேர்தல் ஆணையம் பல்வேறு முயற்சிகள் எடுக்கிறது. ஆனாலும், இந்த முயற்சிகள் முழுமையாக பயன் அளிப்பதில்லை என சமூக ஆர்வலர்கள் வருத்தம் தெரிவிக்கின்றனர்.
அதேபோல, சென்னை ஆர்.கே. நகர் இடைத்தேர்தல் போல வாக்காளர்களை கவர பணப் பட்டுவாடா அதிக அளவில் இருக்கும் என உளவுத்துறையினர் எச்சரித்திருப்பதாக தகவல்கள் வெளியாகியுள்ளது. பாண்டிச்சேரி, தமிழ்நாடு என இருக்கும் 40 தொகுதிகளில், குறிப்பாக, 24 தொகுதிகளில் பணப்பட்டுவாடா நடப்பதாக கூறப்படுகிறது. குறிப்பாக, முன்னாள் அமைச்சர்கள், அமைச்சர்களின் மகன்கள், முக்கிய நபர்கள், ஸ்டார் வேட்பாளர்கள் போன்றவர்கள் போட்டியிடும் தொகுதிகளில் கோடிக்கணக்கான செலவுகளை செய்து எப்படியாவது வெற்றி பெற்று விட வேண்டும் என்ற நோக்கில் செலவு செய்வதாகவும் தகவல்கள் வெளியாகியுள்ளது.
இப்படி தொடர்ந்து வெளியாகும் தகவல்களால் தேர்தல் ஆணையம் பறக்கும் படையினர் துணையுடன் பல்வேறு பகுதிகளில் அதிரடி சோதனை நடத்தி வருகின்றனர்.
இதில், கோவை மாவட்டத்தில் மட்டும் கிட்டத்தட்ட தேர்தல் விதிமீறல் என 51 வழக்குகள் பதிவு செய்யப்பட்டுள்ளது.
கோவை மாவட்டத்தின் புறநகர் பகுதிகளான மேட்டுப்பாளையம் தொகுதிக்குட்பட்ட பகுதிகளில் தேர்தல் விதிமீறபட்டதாக 9 வழக்குகள் பதிவு செய்யப்பட்டுள்ளது. அதேபோல, சூலூரில் 5, கிணத்துக்கடவு பகுதியில் 10, பொள்ளாச்சி பகுதியில் 11, வால்பாறையில் 3 என மொத்தம் 38 வழக்குகள் பதிவு செய்யப்பட்டுள்ளது. மேலும், கோவை மாநகர பகுதியில் 13 வழக்குகள் என மாவட்டம் முழுவதும் மொத்தம் 51 வழக்குகள் பதிவு செய்யப்பட்டுள்ளது.
பொள்ளாச்சி நாடாளுமன்றத் தொகுதியில் அ.தி.மு.க. வேட்பாளர் மகேந்திரனை ஆதரித்து பொள்ளாச்சி நகராட்சி பெண்கள் மேல்நிலைப்பள்ளியில் நேற்று முன் தினம் பிரச்சாரம் நடைபெற்றது. இதில், பொதுமக்களுக்கு டோக்கன் ஆக போலி காகித ரூபாய் நோட்டுகள் கொடுக்கப்பட்டுள்ளது. இதையடுத்து, பொள்ளாச்சி கிழக்கு காவல் நிலையத்தில் தேர்தல் பறக்கும் படை அதிகாரிகள் புகார் கொடுத்தனர். இந்த புகாரின் பேரில் அ.தி.மு.க. முன்னாள் கவுன்சிலர் மணிபாரதி மீது போலீசார் இரண்டு பிரிவுகளின் கீழ் வழக்கு பதிவு செய்துள்ளனர். இப்படியாக வழக்கு பதிவுகளும், பணப்பட்டுவாடாக்களும் சரி சமமாக நடைபெற்று வருகிறது.
இதுவரை நாடு முழுவதும் நடத்தப்பட்ட சோதனைகளில் பிடிபட்ட பணம், மது பாட்டில்கள், போதை பொருட்களின் விவரங்கள்
