பி.எஸ்.ஜி. மருத்துவமனையில் மூளைச்சாவடைந்தவரின் சிறுநீரக தானத்தால் இரு உயிர்களுக்கு மறுவாழ்வு

கோவை : பி.எஸ்.ஜி. மருத்துவமனையில் மூளைச்சாவடைந்தவரின் சிறுநீரக தானத்தால், 8 வயது சிறுவன் உள்பட 2 பேர் மறுவாழ்வு பெற்றுள்ளனர்.

மின்சார தாக்கிய விபத்தில் பாதிக்கப்பட்ட சங்கர் (பெயர் மாற்றப்பட்டுள்ளது) என்பவர் சிகிச்சைக்காக பி.எஸ்.ஜி., மருத்துவமனையில் சிகிச்சைக்காக அனுமதிக்கப்பட்டார். அங்கு அவருக்கு கடந்த 19-ம் தேதி திடீரென மூளைச்சாவு ஏற்பட்டது. இதைத் தொடர்ந்து, சங்கரின் உடலை தானம் செய்ய அவரது உறவினர்கள் முன்வந்தனர். பின்னர் முறைப்படி, மருத்துவர்கள் சங்கரின் ஒரு சிறுநீரகத்தை எடுத்து, சிறுநீரகம் செயல் இழந்த 8 வயது சிறுவன் உள்பட 2 பேருக்கு பிரித்து மறுவாழ்வு அளித்தனர். இந்த சிறுநீரக மாற்று அறுவை சிகிச்சையை அனுபவம் மிகுந்த பி.எஸ்.ஜி. மருத்துவர்கள் குழு மேற்கொண்டது.