கோவை தெற்கு சட்டமன்ற தொகுதியில் பறக்கும் படையினர் ரூ 7 லட்சத்து 21 ஆயிரத்து 500 பறிமுதல்

கோவை : கோவை ஜி.பி. சிக்னல் அருகே இ- கார்னர் பகுதியில் இன்று அதிகாலை 12.15 மணி அளவில் ஆடி காரில் வந்தவரிடம் உரிய ஆவனங்கள் இல்லாமல் கொண்டு வரப்பட்ட ரூ 7 லட்சத்து 21 ஆயிரத்து 500 பறிமுதல்.

கோவை தெற்கு சட்டமன்ற தொகுதிக்கு உட்பட்ட இந்த பகுதியில் பறக்கும் படை அதிகாரியும், வட்டார வளர்ச்சி அலுவலருமான ஜெ. சிலா தலைமையில் பறக்கும் படையினர் நேற்று இரவு சோதனை மேற்கொண்டனர். இதனிடையே இன்று அதிகாலை 12.15 மணி அளவில் ஆர். மனோ என்பவர் ஆடி காரில் வந்துள்ளார். அவரிடம் நடத்தப்பட்ட சோதனையில் உரிய ஆவணங்கள் இல்லாமல் கொண்டு வரப்பட்ட ரூ 7 லட்சத்து 21 ஆயிரத்தி 500 பறிமுதல் செய்யப்பட்டது.

இந்த பணம் சார் நிலை கருவூலம் தெற்கு அலுவலகத்தில் ஒப்படைக்கப்பட்டது.