கோவை பிராந்தியத்தில் சிறந்த தொழில்முனைவோர்களுக்கு இ.ஓ.டி.ஒய். விருது வழங்கி கவுரவிப்பு

கோவை : கோவை தொழில்முனைவோர் சங்கத்தின் சார்பில் சிறந்த தொழில்முனைவோர்களுக்கு இ.ஓ.டி.ஒய். விருது வழங்கிக் கவுரவிக்கப்பட்டது. 

கோவை பிராந்தியத்தில் வளர்ந்து வரும் தொழில்முனைவோர்களை ஊக்குவிக்கும் விதமாக கோவை தொழில்முனைவோர் சங்கத்தின் சார்பில் விருது வழங்கும் விழாவிற்கு ஏற்பாடு செய்யப்பட்டது. ஓட்டல் ரெசிடென்சியில் நடந்த இந்த நிகழ்ச்சியில் 3 பிரிவுகளின் கீழ் விருதுகள் வழங்கப்பட்டன. அதில், எல்லோ டிரெயின் நிறுவனத் தலைவர் சந்தியாவிக்ரம், இந்த ஆண்டுக்கான சிறந்த பெண் தொழில்முனைவோர் விருது பெற்றார். இந்த நிகழ்ச்சியில், நடிகை அமலா அக்கினி, போலாண்ட் தொழிற்சாலைகளின் நிறுவனர் ஸ்ரீ காந்த் போலா, மார்கெஸ் இன்வெஸ்ட்மென்டின் நிறுவனர் பிரமோத் குப்பி ஆகியோர் கலந்து கொண்டு விருதுகளை வழங்கினர். 



மொத்தம் விண்ணப்பிக்கப்பட்ட 200 நிறுவனங்களில், 125 நிறுவனங்கள் விருதுக்குப் பரிந்துரை செய்யப்பட்டது குறிப்பிடத்தக்கது.