தேசிய அளவிலான அறிவியல் கண்காட்சியில் பங்கேற்கும் கோவையை சேர்ந்த பள்ளி மாணவர்கள்

கோவை : கோவையைச் சேர்ந்த பள்ளி மாணவர்களின் ஆறு அணிகள் தேசிய அளவிலான அறிவியல் கண்காட்சியில் பங்கேற்கின்றனர்

தேசிய குழந்தைகள் அறிவியல் மையம் (NCSC) நடத்திய மாவட்ட அளவிலான அறிவியல் கண்காட்சி போட்டியில் வெற்றி பெற்றதைத் தொடர்ந்து, கோவைச் சேர்ந்த பள்ளி மாணவர்களின் அணியினர் தேசிய அளவிலான போட்டியில் பங்கேற்கின்றனர். 

முன்னதாக மாவட்ட அளவிலான போட்டிகள் கருமத்தம்பட்டியில் உள்ள ஜான்சன் பொறியியல் கல்லூரியில் நடைபெற்றது. இதில், 121 அணிகள் பங்கேற்றன. அதில் 10 அணிகள் தேர்வு செய்யப்பட்டன. இதில் இருந்து ஆறு அணிகள் மட்டும் தேர்வு செய்யப்பட்டனர்.

தற்போது, தேர்வு செய்யப்பட்ட ஆறில், ஐந்து அணிகளும் சிங்காநல்லூர் குளக்கரையில் இயற்கை குறித்த வகுப்பில் கலந்து கொண்ட கோவை மாணவர்கள். இந்த வகுப்பு கியூப் என்ற தன்னார்வ அமைப்பு மற்றும் கோவை மாநகராட்சி இணைந்து நடத்தியது. 

ஸ்ரீ ஜெயேந்திர சரஸ்வதி வித்யாலயாவின் மேல்நிலைப்பள்ளியின் மாணவர்கள் ''நகர நீர்நிலைகளில் விதைகளை விதைப்பது" குறித்து மாதிரிகளை செய்திருந்தனர்.

இது குறித்து கியூப் அமைப்பின் தன்னார்வலர்கள் கூறுகையில், "ஏரிகள் நீரில் காணப்படும் நீர் நீராவி (Eichhornia crassipes) தாவரங்களிலிருந்து உற்பத்தியை உருவாக்குவதில் அந்த அணி ஈடுபட்டுள்ளது. மேலும், அவற்றில் இருந்து பைகள் மற்றும் பாய்கள் உள்ளிட்ட பொருட்கள் தயாரிப்பது குறித்த விளக்கமளிக்கப்பட்டது.

கோவை மாநகராட்சி பள்ளிகளை சேர்ந்த மற்ற ஐந்து அணிகள் கணக்கெடுப்பு சார்ந்த திட்டங்களை மாதிரிகளாக செய்தனர். அடுத்த ஆண்டில் இதனைக் காட்டிலும் திறம்பட செயல்பட மாணவர்கள் முயற்சிக்கின்றனர்.

இந்த ஆண்டு NCSC சார்பில் ஐந்து தலைப்புகள் கொடுக்கப்பட்டது. இது குறித்து அந்த அமைப்பினர் கூறுகையில், "ஆண்டுதோறும் தமிழகத்தில் இருந்து 3000 பேர் இப்போட்டிகளில் கலந்து கொள்கின்றனர். இந்தியாவில் இருந்து மொத்தமாக 250 பேர் தேசிய அளவிலான போட்டிகளுக்கு தகுதி பெறுகின்றனர்." என்கின்றனர்.