1,121 கிலோ எடையுள்ள 'பீன் சாலட்' தயாரித்து கின்னஸ் சாதனை முயற்சி

மதுரை : தமிழ்நாடு சேம்பர்ஸ் பவுண்டேசன் சார்பில் 1,126 கிலோ எடையுள்ள 'பீன் சாலட்டை தயாரித்து கின்னஸ் சாதனை முயற்சி நிகழ்த்தப்பட்டது.



தமிழ்நாடு சேம்பர்ஸ் பவுண்டேசன் மற்றும் தென்னிந்திய சமையற் கலைஞர்கள் கூட்டமைப்பு சார்பில் 'வைபரன்ட் தமிழ்நாடு' என்ற கண்காட்சி மற்றும் மாநாடு ஆக.,12-ம் தேதி தொடங்கியது. நிகழ்ச்சியின் இறுதிநாளான 15-ம் தேதி ஆசிய புத்தக மற்றும் கின்னஸ் சாதனை நிகழ்ச்சியாக, உலகின் மிகப்பெரிய 'பீன் சாலட்' தயாரிப்பதற்கான முயற்சி அரங்கேற்றப்பட்டது. இதில், தலைமை சமையற் கலைஞர் எம்.எஸ். ராஜ்மோகனின் வழிநடத்தில், 17 சமையற் கலைஞர்களுடன் மற்றும் 5 கல்லூரிகளைச் சேர்ந்த 63 ஓட்டல் மேனேஜ்மென்ட் மாணவர்கள் கலந்து கொண்டனர். 



8 அங்குலம் 2.5 மீட்டர் ஆழமுள்ள 126 கிலோ எடை கொண்ட பாத்திரத்தில் 1,121.6 கிலோ கிராம் எடையுள்ள சிறு தானியங்கள் அடங்கிய 'பீன் சாலட்' தயாரிக்கப்பட்டது. இந்த நிகழ்வின் போது, ஆசிய சாதனை புத்தகத்தின் தீர்ப்பாளர் விவேக் ராஜா உடனிருந்தார். சாதனை முயற்சிக்காக தயாரிக்கப்பட்ட இந்த பீன் சாலட்டை உணவு பாதுகாப்புத்துறை அதிகாரி சோமசுந்தரம் மற்றும் தொழிலாளர் உதவி ஆணையர் (அமலாக்கப்பிரிவு) கே. காளிதாஸ் ஆகியோர் தரம் ஆய்வு செய்தனர்.