இமாச்சலில் பள்ளத்தில் பள்ளிப் பேருந்து கவிழ்ந்து விபத்து : 26 குழந்தைகள் பலி

இமாச்சல் பிரதேசம் : இமாச்சல் பிரதேசத்தில் பள்ளி குழந்தைகள் சென்ற பள்ளி பேருந்து, பள்ளத்தில் கவிழ்ந்து விபத்துக்குள்ளானதில் 26 குழந்தைகள் பரிதாபமாக உயிரிழந்தனர். 

காங்காரா மாவட்டத்திலுள்ள நார்பூர் பகுதியில் பள்ளி குழந்தைகள் சென்ற பேருந்து மலையிலிருந்த பள்ளத்தில் கவிழ்ந்து விபத்துக்குள்ளானது. இவ்விபத்தில் 26 குழந்தைகள் பலியாகினர். பலர் படுகாயங்களுடன் மீட்கப்பட்டு மருத்துவமனையில் அனுமதிக்கப்பட்டுள்ளனர். மீட்புப்பணிகள் தொடர்ந்து நடைபெற்று வருகிறது. பேருந்துக்குள் மாணவர்கள் பலர் சிக்கியுள்ளதாக போலீசார் தரப்பில் தெரிவிக்கப்பட்டுள்ளது. பேருந்தில் அதிகளவில் குழந்தைகள் ஏற்றப்பட்டதாக தெரிய வருகிறது. 

காங்காரா விபத்தில் 26 குழந்தைகள் பலியானதை அம்மாநில அமைச்சர் சுரேஷ் பரத்வாஜ் உறுதி செய்துள்ளார். மேலும், மீட்புப் பணிகள் துரிதமாக நடந்து வருவதாகவும் அவர் தெரிவித்தார்.