உதகை படகு இல்லத்தின் விபரமும்... படகு சவாரிக்கான கட்டணமும்....!

நீலகிரி: கோடை சீசனுக்காக தயாராகி வரும் நீலகிரி மாவட்டத்திற்கு வருகை தரும் சுற்றுலாப் பயணிகளின் வசதிக்காக, உதகை படகு இல்லம் தொடர்பான ஒரு சில தகவல்கள்...



உதகை மத்திய பேருந்து நிலையத்திலிருந்து சுமார் 2 கி.மீ., தொலைவில் இந்தப் படகு இல்லம் அமைந்துள்ளது. இங்கு ஆண்டுதோறும் லட்சக்கணக்கான சுற்றுலா பயணிகள் வந்து செல்வது வழக்கம். சுற்றுலாத் துறைக்கு கீழ் இயங்கும் இந்தப் படகு இல்லமானது 4 ஏக்கர் பரப்பளவில் அமைந்துள்ளது. இந்தப் படகு இல்லத்தில் படகு சவாரி மட்டுமின்றி குழந்தைகளுக்கான விளையாட்டு தளங்கள், மினி ரயில், குதிரை சவாரி என பல சிறப்பம்சங்களும் படகு இல்லத்தின் மறுகரையில் தேன் நிலவு படகு இல்லமும் உள்ளது.



நுழைவு கட்டண விவரம்: 

பொதுவாக - ரூ. 13, கேமரா: ரூ. 25, வீடியோ கேமரா: ரூ. 150 என வசூலிக்கப்படுகிறது.

வாகன கட்டண விவரம்: 

இருசக்கர வாகனம்: ரூ.10, நான்கு சக்கர வாகனம் ரூ.30, மற்ற வாகனங்களுக்கு ரூ.50-ம் வசூலிக்கப்படுகிறது.

படகுகளின் விபரம்:

மொத்தம் 133 படகுகளில் 33 இயந்திரப் படகுகளும், 9 துடுப்பு படகுகளும், 91 மிதிபடகுகளும் உள்ளன. மிதிபடகில் 40 மிதிபடகு இருவர் இருக்கையையும், 51 மிதிபடகு நால்வர் இருக்கையையும் கொண்டதாகும். இதில், உயிர் காக்கும் படகு, எந்த நேரமும் சுற்றுலா பயணிகளை காப்பதற்கு ரோந்து பணியில் ஈடுபட்டுக் கொண்டே இருக்கும். 



படகு சவாரிக்கான கட்டண விபரங்கள்:

மிதிபடகு:

• மிதிபடகு இரண்டு இருக்கைகள் ரூ. 170, முன்வைப்பு தொகை ரூ. 170, மொத்தம் ரூ. 340.
  
• மிதிபடகு நான்கு இருக்கைகள் ரூ. 260, முன் வைப்பு தொகை ரூ. 260, மொத்தம் ரூ. 520.
  

இயந்திர படகு:

• இயந்திர படகு 8 இருக்கைகள் ரூ. 530, ஓட்டுனர் கட்டணம் ரூ. 40, மொத்தம் ரூ. 570.
  
• இயந்திரபடகு 10 இருக்கைகள் ரூ. 660, ஓட்டுனர் கட்டணம் ரூ. 40, மொத்தம் ரூ. 700.
  
• இயந்திரபடகு 15 இருக்கைகள் ரூ. 980, ஓட்டுனர் கட்டணம் ரூ. 40, மொத்தம் ரூ. 1,020.
  

துடுப்பு படகு:

• துடுப்பு படகு 3 இருக்கைகள் : ரூ. 205, ஓட்டுனர் கட்டணம் : ரூ. 45, முன்வைப்பு தொகை : ரூ. 250, மொத்தம் : ரூ. 500.
  
• துடுப்பு படகு 4 இருக்கைகள் : ரூ. 255, ஓட்டுனர் கட்டணம் : ரூ. 45, முன்வைப்பு தொகை ரூ. 300, மொத்தம் ரூ. 600.
  

இதில், துடுப்பு மற்றும் மிதிபடகு சவாரி மேற்கொள்ளும் சுற்றுலா பயணிகள் சவாரி முடிந்ததும் அடுத்த 30 நிமிடத்தில் முன்வைப்பு தொகையை திரும்பப் பெற அறிவுறுத்தப்படுகிறது. மேலும், சிறப்பம்சமாக குழந்தைகளை கவரும் வண்ணம் டாய் டிரெயின் இங்கு இயக்கப்படுவது குறிப்பிடத்தக்கது. இதற்கு, கட்டணமாக பெரியவர்களுக்கு ரூ. 25-ம், சிறியவர்களுக்கு ரூ. 12-ம் வசூலிக்கப்படுகிறது. 

இதற்கெல்லாம் மேலாகப் படகு இல்ல சுற்றுவட்டாரப் பகுதிகளில் படகு சவாரியின் போது செல்பி (சுயபுகை படம்) எடுக்கத் தடை, உயிர் காப்பான் (லைப் ஜாக்) அணியாமல் படகு சவாரி மேற்கொள்ள வேண்டாம் என்ற வாசகங்கள் அடங்கிய அறிவிப்பு பலகைகளும் வைக்கப்பட்டுள்ளன. விதிகளை மீறுபவர்களுக்கு உடனடி அபராதமும் விதிக்கப்படுவதாகப் படகு இல்ல நிர்வாகம் தெரிவிக்கிறது. ஒவ்வொரு ஆண்டும் மே மாதம் இரண்டாவது வாரத்தில் சுற்றுலா பயணிகளுக்கான படகு போட்டி மற்றும் படகு அலங்கார நிகழ்ச்சியும் நடத்தப்படுவது வழக்கம்.