கோவை: தமிழ்நாடு கிரிக்கெட் சங்கம் மற்றும் கோவை மாவட்ட கிரிக்கெட் கழகம் சார்பில் மூன்றாவது மட்டும் இரண்டாவது டிவிசன் ஆட்டங்கள் கோவையில் உள்ள பல்வேறு மைதானங்களில் நடைபெற்றது.
கோவை: தமிழ்நாடு கிரிக்கெட் சங்கம் மற்றும் கோவை மாவட்ட கிரிக்கெட் கழகம் சார்பில் மூன்றாவது மட்டும் இரண்டாவது டிவிசன் ஆட்டங்கள் கோவையில் உள்ள பல்வேறு மைதானங்களில் நடைபெற்றது.
ரத்தினம் கல்லூரியில் நடைபெற்ற 2-வது டிவிசன் ஆட்டத்தில் ராஜசேகர் கார்த்திக் நினைவு கிளப் அணியும், விங்ஸ் அணியும் மோதின. முதலில் ஆடிய விங்ஸ் அணி 49.5 ஓவரில் 262 ரன்கள் எடுத்தது. அந்த அணியின் விவேக் பீட்டர் (113), சுஜய் (58), ராகுல் (31) ரன்களும் எடுத்தனர். பின்னர், ஆடிய ராஜசேகர் கார்த்திக் நினைவு கிளப் அணியினர் 43 ஓவர்களில் 8 விக்கெட் இழப்பிற்கு 263 ரன்கள் எடுத்து வெற்றி பெற்றனர். அதிகபட்சமாக ஜானகிராமன் (32) ரன்னும், முத்து 40 ரன்னும் ஜனார்த்தனன் (80) எடுத்து கடைசி வரை ஆட்டம் இழக்காமல் வெற்றி பெற முக்கிய பங்காற்றினர்.
3-வது டிவிசன் ஆட்டங்கள் சி.ஐ.டி மற்றும் பி.எஸ்.ஜி. மைதானத்தில் நடைபெற்றது. சி.ஐ.டி. மைதானத்தில் நடைபெற்ற போட்டியில் சி.ஐ.டி. அணி ஆர்.கே.எஸ் கல்வி நிலைய அணியுடன் மோதியது. இதில், முதலில் ஆடிய 49.5 ஓவர்களில் அனைத்து விக்கெட்டுகளையும் இழந்து 216 ரன்கள் எடுத்தது. பின்னர், விளையாடிய ஆர்.கே.எஸ். கல்வி நிலைய அணி 45.1 ஓவர்களில் 7 விக்கெட் இழப்பிற்கு 218 ரன்கள் எடுத்து வெற்றி பெற்றது. அந்த அணியின் சபரிநாத் (95), அழகப்பன் (31) எடுத்தனர். பி.எஸ்.ஜி. மைதானத்தில் நடந்த மற்றொரு போட்டியில் பி.எஸ்.ஜி பாலிடெக்னிக் அணி, 101 ரன்கள் வித்தியாசத்தில் மிராக்கள் அணியை வீழ்த்தியது.
4-வது டிவிசன் ஆட்டம் பொள்ளாச்சி நாச்சிமுத்து பாலிடெக்னிக் மைதானத்தில் நடைபெற்றது. இதில், நாச்சிமுத்து பாலிடெக்னிக் அணியை எதிர்த்து விஜய் கிரிக்கெட் கிளப் அணி மோதியது. முதலில் ஆடிய விஜய் கிரிக்கெட் கிளப் அணி 35.1 ஓவர்களில் 169 ரன்களுக்கு ஆல் அவுட் ஆனது. அந்த அணியின் வீரர்கள் பழனிசாமி (33), அரவிந்தன் 33 ரன்களும் எடுத்தனர். பின்னர் விளையாடிய நாச்சிமுத்து பாலிடெக்னிக் அணி 22.1 ஓவர்களில் 101 ரன்களுக்கு அனைத்து விக்கெட்டுகளையும் இழந்து தோல்வியை தழுவியது.
5-வது டிவிசன் ஆட்டம் சக்தி பொறியியல் கல்லூரி மைதானத்தில் மாக்மா அணியை எதிர்த்து ஸ்ரீ கிரிக்கெட் கிளப் அணி விளையாடியது. முதலில் ஆடிய மாக்மா அணி 50 ஓவர்களில் 9 விக்கெட் இழப்பிற்கு 180 ரன்கள் எடுத்தது. அந்த அணியின் வீரர்கள் திலீபன் (46), மோகன் (34), அனிருத் (33), ஸ்ரீ ராம் (31) ரன்கள் எடுத்தனர். பின்னர், விளையாடிய ஸ்ரீ அணியினர் 35.3 ஓவர்களில் 99 ரன்களுக்கு ஆல் அவுட் ஆனது. இதன்மூலம், 81 ரன்கள் வித்தியாசத்தில் வெற்றி பெற்றது.