மக்கள் பயன்பாட்டிற்கு ஏற்றவாறு உக்கடம் பாலம் வடிவமைக்கபடும்: கோவையில் முதலமைச்சர் பேச்சு

கோவை: மக்கள் பயன்பாட்டிற்கு ஏற்றவாறு உக்கடம் பாலம் வடிவமைக்கபடும் என்று தமிழக  முதலமைச்சர் எடப்பாடி தெரிவித்துள்ளார்.

தொண்டாமுத்தூர் ராஜலட்சுமி திருமண மண்டபத்தில் நடைபெற்ற விழாவில் ரூ.130.46 கோடி மதிப்பில் பவானி கூட்டு குடிநீர் திட்டத்தையும் ரூ.215.51 கோடி மதிப்பிலான ஆத்துபாலம் முதல் உக்கடம் வரையிலான மேம்பால அடிக்கல் நாட்டு விழாவை தமிழக முதலமைச்சர் எடப்பாடி.பழனிச்சாமி தொடங்கி வைத்தார். மேலும், கோவையை சேர்ந்த 86 ஜோடிகளுக்கு திருமணம் செய்து வைத்தார். 

தொடர்ந்து அவர் பேசியதாவது :- 



ஜெ., பிறந்த நாள் விழா ஏழை எளிய மக்கள் பயன் பெறும் விழாவாக இருக்க வேண்டும் என அவர் உத்தரவிட்டிருந்தார். அதை நாங்கள் செய்து வருகிறோம். மதசார்பற்ற ஆட்சி செய்கிற ஒரே அரசு அ.தி.மு.க அரசு தான். அதற்கு உதாரணம் இன்று நடைபெற்ற இந்து, கிருஸ்துவ, 

முஸ்லிம் திருமணம். 



ஏர்போர்ட் போல மத்திய அரசுடன் இனைந்து பஸ் போர்ட் அமைக்கபடும். 

உக்கடம் மேம்பாலம் கட்டி முடிக்கபடும் போது போக்குவரத்து நெரிசல் குறையும். மக்களுக்கு உபயோகப்படும் வகையில் பாலம் வடிவமைக்கபடும். 

இவ்வாறு அவர் பேசினார். 

துணை முதலமைச்சர் ஓ.பன்னீர் செல்வம் பேசுகையில், "ஒவ்வொரு ஆண்டும் பிறந்த நாள் கொண்டாட்டத்தின் போது, உண்டியல் வைத்து பணம் வசூலிக்கும் தலைவர்கள் தமிழகத்தில் இருக்கின்றனர்.



ஆனால், அ.தி.மு.க. அரசு ஜெ., பிறந்தநாளை முன்னிட்டு ஏழை மக்களுக்கு இலவசமாக திருமணம் செய்து வைக்கிறது. இதை எங்கள் கடமையாக செய்து வருகிறோம்." என்றார்.