மா ஃபா எஜூகேஷனல் சர்வீஸஸ் நிறுவனத்தின் திறன் மேம்பாடு மற்றும் குழு நிபுணத்துவ பயிற்சி துவக்கம்

கோவை, ஜனவரி 11

கோவையில் செயல்பட்டு வரும் மா ஃபா அகாடமி, மா ஃபா எஜூகேஷனல் சர்வீஸஸ் நிறுவனம் இன்று பல்வேறு பயிற்சிகளுக்காகவும், திறன் மேம்பாட்டிற்கும் மற்றும் வேலை வாய்ப்புகளை உருவாக்கும் வகையில் பயிற்சி வகுப்புகளை துவங்கியுள்ளது.



கோவையில் பி.எஸ்சி, எம்.எஸ்சி, எம்சிஏ, பிஇ கம்ப்யூட்டர் சயின்ஸ் மற்றும் இன்பர்மேஷன் டெக்னாலஜி படித்த மாணவர்களை இலக்காக கொண்டு இத்திட்டம் செயல்படுத்தப்பட உள்ளது.

இதுகுறித்து மா ஃபா குழுமத்தின் இணை நிறுவனர் லதா ராஜன் மற்றும் டாக்டர் பி.எஸ். மோகன் ஆகியோர் கூறியதாவது:-

ஆர்.எஸ்.புரத்தில் மா ஃபா அகாடமி 3800 சதுரடியில் துவக்கப்படுகிறது. நவீன வசதிகளுடன் கூடிய இந்த அகாடமியில், அனைத்துத் துறைகளிலும் பயிற்சி அளிக்க பயிற்சியாளர்கள் உள்ளனர்.

கோவை மையத்தின் தலைவராக டாக்டர் பி.எஸ். மோகன் செயல்படுவார். இவருக்கு உறுதுணையாக டாக்டர் விஜயக்குமார், கே. கிரிதர், ஜோதி ஆகியோர் பல்வேறு கல்வித்துறை தலைவர்களாக செயல்படுவர் என்றனர்.