கோவையில் தனது இரண்டாவது ஸ்டோரைத் திறந்தது லைஃப்ஸ்டைல்

இந்தியாவின் மிகவும் விரும்பத்தக்க ஃபேஷன் இடமான லைஃப்ஸ்டைல், கோவையில் தனது புதிய ஸ்டோரை கோவை, பழைய சிவானந்தா மில்ஸ் பகுதியில் அமைந்துள்ள புரோசோன் மாலில் திறந்துள்ளது.



இந்த ஸ்டோரை லைஃப்ஸ்டைல் மார்க்கெட்டிங் பிரிவின் மூத்த துணைத் தலைவர் ஸ்ரீனிவாச ராவ் மற்றும் சில்லரைச் செயல்பாடுகள் தலைவர் சத்யநாராயணன் ஆகியோருடன் புகழ்பெற்ற நடிகை ரெஜினா காஸெண்ட்ரா திறந்து வைத்தார். இது கோவையில் லைஃப்ஸ்டைலின் இரண்டாவது மற்றும் நாட்டின் 62-வது ஸ்டோராகும்.



இதுகுறித்து லைஃப்ஸ்டைல் இண்டர்நெஷனல் (பி) லிமிடெட்டின் நிர்வாக இயக்குநர் கபீர் லும்பா தெரிவிக்கையில், எங்களது முதல் ஸ்டோருக்கு கிடைத்த பெரும் வரவேற்பைத் தொடர்ந்து கோவையில் எங்களது செயல்பாடுகளை விரிவுபடுத்துவதில் நாங்கள் பெரும் மகிழ்ச்சி அடைகிறோம். புரோசோன் மாலில் எங்களது இரண்டாவது ஸ்டோருடன் நாங்கள் தொடர்ந்து தனித்துவமான ஃபேஷன் விருப்பங்களைப் பூர்த்தி செய்யும் வகையில் குறிப்பிடத்தக்க பொருட்கள் பட்டியல் ஆகியவற்றை அளிப்போம்" என்றார்.



நடிகை ரெஜினா காஸண்ட்ரா கூறுகையில், மிகுந்த துடிப்புமிக்க நகரமான கோவையில் லைஃப்ஸ்டைல் ஸ்டோரைத் திறப்பதில் உற்சாகம் அடைகிறேன். லைஃப்ஸ்டைல் என்பது எனது அனைத்து ஃபேஷன் தேவைகளுக்கு செல்லவேண்டிய ஃபேஷன் இடமாக உள்ளது. நவீன ஃபார்மல், கேஷ்வல் ஆடைகள், உபகரணங்கள் அவர்களது டிரெண்டியான பொருட்கள் தொடங்கி நவீன ஆடைகள் வரை அனைத்தையும் நான் மிகவும் விரும்புகிறேன்" என்றார்.