News

வாளையாறு பாதை மேம்பாடு: கோவை ரயில்கள் தாமதம், ஷொரணூர் ரயில் ரத்து

SimpliCity News Team · 11 Apr 2026

Coimbatore: பாலக்காடு ரயில்வே கோட்டத்தின் கீழ் உள்ள வாளையாறு பகுதியில் ரயில் பாதை மேம்பாட்டு பணிகள் மேற்கொள்ளப்பட இருப்பதால், கோவையிலிருந்து இயக்கப்படும் பல்வேறு ரயில்கள் தாமதமாக இயக்கப்படுவதோடு, சில ரயில்களும் ரத்து செய்யப்படுவதாக பாலக்காடு ரயில்வே கோட்ட நிர்வாகம் அறிவித்துள்ளது.

பாலக்காடு ரயில்வே கோட்ட நிர்வாகம் வெளியிட்டுள்ள செய்திக்குறிப்பின்படி, வாளையாறு பகுதியில் உள்ள ரயில் பாதையில் மேம்பாட்டு பணிகள் மேற்கொள்ளப்படுவதால், ஏப்ரல் 11 மற்றும் 14ஆம் தேதிகளில் கோவை - மங்களூரு சென்ட்ரல் நிலையம் ரயில் (எண்: 16323) 25 நிமிடங்கள் தாமதமாக புறப்படும் என தெரிவிக்கப்பட்டுள்ளது.

மேலும், ஏப்ரல் 11, 14, 19ஆம் தேதிகளில் பாலக்காடு - திருச்சி விரைவு ரயில் (எண்: 16844) 20 நிமிடங்கள் தாமதமாக புறப்படும் என அறிவிக்கப்பட்டுள்ளது. இந்த மேம்பாட்டு பணிகள் காரணமாக கோவை - ஷொரணூர் பயணிகள் ரயில் (எண்: 56603) ஏப்ரல் 12 மற்றும் 17ஆம் தேதிகளில் முழுவதுமாக ரத்து செய்யப்படுவதாகவும் ரயில்வே நிர்வாகம் தெரிவித்துள்ளது.

ரயில் பாதை மேம்பாட்டு பணிகள் பயணிகளின் பாதுகாப்பு மற்றும் சிறந்த சேவைக்காக மேற்கொள்ளப்படுவதாக ரயில்வே அதிகாரிகள் தெரிவித்துள்ளனர். பயணிகள் தங்களது பயண திட்டங்களை இதனை கருத்தில் கொண்டு மாற்றியமைத்துக் கொள்ளுமாறு ரயில்வே நிர்வாகம் கேட்டுக்கொண்டுள்ளது.

railway coimbatore train delay train cancellation palakkad division valayar track improvement passengers

சீனியர் கிரிக்கெட் சாம்பியன்ஷிப்: கோவை SNR கல்லூரியில் செப்டம்பர் 27, 2025 அன்று நடைபெற்ற 65 வயதுக்கு மேற்பட்டோருக்கான சீனியர் கிரிக்கெட் போட்டியில் சேலத்தை 30 ரன்கள் வித்தியாசத்தில் வீழ்த்தி கோவை அணி சாம்பியன் பட்டத்தை வென்றது.

20 days ago

வாளையாறு பாதை மேம்பாடு: கோவை ரயில்கள் தாமதம், ஷொரணூர் ரயில் ரத்து

Related stories