கோவை மழலைகள் 20 நிமிடங்களில் 1376 கணக்குகள் - செந்தில் பாலாஜி பாராட்டு

Coimbatore: கோவை வெள்ளலூர் பகுதியில் அமைந்துள்ள Agaram Kids Montessori பள்ளியின் யு.கே.ஜி வகுப்பு மாணவர்கள் வியக்கத்தக்க சாதனையை நிகழ்த்தியுள்ளனர். இந்த மழலைகள் வெறும் 20 நிமிடங்களில் 1376 கணக்குகளை தீர்த்து புதிய சாதனையை படைத்துள்ளனர்.




இந்த அசாத்திய சாதனை சோழன் புக் ஆப் ரெக்கார்டில் பதிவு செய்யப்பட்டுள்ளது. இளம் வயதிலேயே கணித திறமையை வெளிப்படுத்திய இந்த குழந்தைகளின் சாதனை கல்வி உலகில் பெரும் பாராட்டைப் பெற்றுள்ளது.




இந்த சாதனை படைத்த பள்ளி குழந்தைகளை இன்று முன்னாள் அமைச்சர் செந்தில் பாலாஜி நேரில் சந்தித்து பாராட்டினார். குழந்தைகளின் கணித திறமையையும், ஆசிரியர்களின் பயிற்சி முறையையும் அவர் பாராட்டி பேசினார்.




இந்த பெருமை மிகு நிகழ்வின்போது பள்ளி தாளாளர் செல்வராஜ், நிர்வாக இயக்குனர் பொற்கொடி செல்வராஜ், செயலாளர் அகர முதல்வன், தலைமை நிர்வாகி கல்பனா ஸ்ரீகாந்த் உள்ளிட்ட பலர் கலந்து கொண்டனர்.




கணித திறமையை இளம் வயதிலேயே வளர்க்கும் Montessori கல்வி முறையின் வெற்றியை இந்த சாதனை நிரூபித்துள்ளது. இந்த மழலைகளின் சாதனை எதிர்கால தலைமுறைக்கு ஊக்கமளிக்கும் விதமாக அமைந்துள்ளது.