கோவையில் 20 அம்சக் கோரிக்கைகளை வலியுறுத்தி பட்டதாரி ஆசிரியர்கள் கண்டன ஆர்ப்பாட்டம்

கோவை: கோவை மாவட்ட முதன்மை கல்வி அலுவலகத்தில் தமிழ்நாடு உயர்நிலை-மேல்நிலைப்பள்ளி பட்டதாரி ஆசிரியர் கழகத்தின் சார்பில் 20 அம்சக் கோரிக்கைகளை வலியுறுத்தி கண்டன ஆர்ப்பாட்டம் நடைபெற்றது.



இந்த ஆர்ப்பாட்டத்திற்கு தமிழ்நாடு உயர்நிலை-மேல்நிலைப்பள்ளி பட்டதாரி ஆசிரியர் கழகத்தின் கோவை மாவட்ட தலைவர் சரவணகுமார் தலைமை தாங்கினார்.



கழகத்தின் மாநிலத்துணைத் தலைவர் அருளானந்தம் உள்ளிட்ட ஆசிரியர் கழக நிர்வாகிகள் மற்றும் ஆசிரியர்கள் என 20க்கும் மேற்பட்டோர் இந்த ஆர்ப்பாட்டத்தில் பங்கேற்றனர்.

ஆர்ப்பாட்டத்தில் முன்வைக்கப்பட்ட முக்கிய கோரிக்கைகள்:

1. தமிழ்நாட்டு அரசு ஊழியர்கள் ஆசிரியர்களுக்கு பழைய ஓய்வூதிய திட்டத்தை உடனடியாக அமல்படுத்துதல்

2. ஊக்க ஊதிய உயர்வை உடனடியாக அமல்படுத்துதல்

3. அனைத்து ஆசிரியர் பணியிடங்களையும் நிரந்தர பணியிடங்களாக மாற்றுதல்

4. ஆசிரியருக்கு 25 மாணவர்கள் என்ற ஆசிரியர்-மாணவர் விகிதத்தை கடைபிடித்தல்



ஆர்ப்பாட்டக்காரர்கள் தமிழக அரசுக்கு தங்களது கண்டனங்களை தெரிவித்ததோடு கோரிக்கைகளை நிறைவேற்ற வலியுறுத்தி கோஷங்கள் எழுப்பினர். இந்த ஆர்ப்பாட்டம் மூலம் தங்களது கோரிக்கைகள் அரசின் கவனத்திற்கு கொண்டு செல்லப்படும் என்றும், அவற்றை நிறைவேற்ற அரசு நடவடிக்கை எடுக்கும் என்றும் ஆசிரியர்கள் நம்பிக்கை தெரிவித்தனர்.