ராமேகவுண்டன்புதூரில் காட்டு யானை நடமாட்டம்: மக்கள் அச்சம்

Coimbatore: கோவை மாவட்டம் மேட்டுப்பாளையம் அருகே உள்ள ராமேகவுண்டன்புதூர் பகுதியில் காட்டு யானை ஒன்று சாலையில் உலா வந்ததால் அப்பகுதி மக்கள் அச்சம் அடைந்துள்ளனர்.

மேட்டுப்பாளையம் சுற்றுவட்டார பகுதிகளான தேக்கம்பட்டி, நெல்லித்துறை, தாசம்பாளையம் உள்ளிட்ட பல்வேறு இடங்களில் கடந்த சில நாட்களாக காட்டு யானைகளின் நடமாட்டம் அதிகரித்துள்ளது. இந்நிலையில், ஜூலை 27 அன்று அதிகாலை ராமேகவுண்டன்புதூர் பகுதியில் ஒரு ஒற்றை காட்டு யானை நுழைந்து சுற்றித் திரிந்தது.

இந்த சம்பவம் அப்பகுதியில் உள்ள ஒரு வீட்டின் சிசிடிவி கேமராவில் பதிவாகியுள்ளது. காட்டு யானை சாலையில் நடமாடும் காட்சிகள் பதிவாகியுள்ளன. இதனால் அப்பகுதி மக்கள் பெரும் அச்சத்திற்கு உள்ளாகியுள்ளனர்.

வனத்துறை அதிகாரிகள் இப்பகுதியில் தீவிர கண்காணிப்பு மேற்கொண்டுள்ளனர். மேலும், காட்டு யானையை அதன் வாழ்விடத்திற்கு திருப்பி அனுப்ப நடவடிக்கை எடுத்து வருகின்றனர். பொதுமக்கள் எச்சரிக்கையுடன் இருக்குமாறும், யானையை கண்டால் உடனடியாக வனத்துறைக்கு தகவல் தெரிவிக்குமாறும் அறிவுறுத்தப்பட்டுள்ளது.