கோவை சரவணம்பட்டியில் அரசு நிலத்தில் ஆக்கிரமிப்பு: கடைகள் கட்டி வாடகை வசூல் செய்த அதிர்ச்சி தகவல்

கோவை: கோவை மாவட்டம் சரவணம்பட்டியில் அரசுக்கு சொந்தமான நிலத்தில் சில நபர்கள் ஆக்கிரமிப்பு செய்து கடைகள் கட்டி வாடகை வசூல் செய்து வந்த சம்பவம் அதிர்ச்சியை ஏற்படுத்தியுள்ளது.



இந்த சம்பவம் குறித்து மாவட்ட ஆட்சியருக்கு அளிக்கப்பட்ட மனுவின் அடிப்படையில், சம்பந்தப்பட்ட இடங்களில் தணிக்கை மேற்கொள்ளப்பட்டது. அப்போது, அரசு நிலம் ஆக்கிரமிக்கப்பட்டிருப்பது உறுதி செய்யப்பட்டது.



மேலும், அரசு நியாயவிலை கடைக்கு வாடகைக்கு விடப்பட்டு, அரசிடம் இருந்தே வாடகை வசூலிக்கப்பட்டுள்ளதாகவும் தெரிய வந்துள்ளது. இந்த அதிர்ச்சி தகவலை அடுத்து, மாவட்ட ஆட்சியர் கிராந்திகுமார் பாடி உடனடியாக நடவடிக்கை எடுத்துள்ளார்.

ஆக்கிரமிப்பு குறித்து விரிவான விசாரணை நடத்தி, உரிய நடவடிக்கை எடுக்குமாறு அதிகாரிகளுக்கு மாவட்ட ஆட்சியர் உத்தரவிட்டுள்ளார். மேலும், அந்த இடத்தில் வேறு ஏதேனும் ஆக்கிரமிப்புகள் இருப்பின், அவற்றையும் உடனடியாக அகற்றுமாறு அறிவுறுத்தியுள்ளார்.