கோவை ரயில் நிலையத்தை தவிர்த்து பல ரயில்கள் இருகூர்-போத்தனூர் வழியாக இயக்கம்

கோவை: சேலம் ரயில்வே கோட்ட நிர்வாகம் வெளியிட்டுள்ள அறிவிப்பின்படி, கோவை பீளமேட்டில் உள்ள ரயில் பாதையில் பராமரிப்பு பணிகள் நடைபெறவுள்ளதால், பல ரயில்கள் கோவை நிலையத்தை தவிர்த்து இருகூர்-போத்தனூர் வழியாக இயக்கப்படும்.

ஜூலை 14, 15 மற்றும் 17 ஆம் தேதிகளில் சென்னை எழும்பூர் - மங்களூரு சென்ட்ரல் விரைவு ரயில் (எண்: 16159), திப்ரூகர் - கன்னியாகுமரி விரைவு ரயில் (எண்: 22504), புதுதில்லி - திருவனந்தபுரம் விரைவு ரயில் (எண்: 12626), பெங்களூர் - எர்ணாகுளம் விரைவு ரயில் (எண்: 12677), ஆலப்புழா - தன்பாத் விரைவு ரயில் (எண்: 13352), எர்ணாகுளம் - பெங்களூர் விரைவு ரயில் (எண்: 12678) ஆகிய ரயில்கள் போத்தனூர் - இருகூர் வழியாக இயக்கப்படும்.

இதேபோல, ஜூலை 14 ஆம் தேதி பாட்னா - எர்ணாகுளம் விரைவு ரயில் (எண்: 22644) மற்றும் சில்சார் - திருவனந்தபுரம் விரைவு ரயில் (எண்: 12508) ஆகிய ரயில்களும் போத்தனூர் - இருகூர் வழியாக இயக்கப்படும். இந்த ரயில்கள் அனைத்தும் கோவை நிலையத்தை தவிர்த்து செல்லும். இந்த காலகட்டத்தில் போத்தனூர் தற்காலிக நிறுத்தமாக செயல்படும் என்று ரயில்வே நிர்வாகம் தெரிவித்துள்ளது.