காந்திபுரம் பேருந்து நிலையம் முன் மது போதையில் சிலையாக நின்ற நபர்: வீடியோ வைரல்

கோவை: கோவை காந்திபுரம் பேருந்து நிலையம் முன்பாக ஜூலை 4 அன்று மது போதையில் இருந்த ஒரு நபர் சாலையில் சிலை போல் நின்று பொதுமக்களை வியப்படைய செய்த சம்பவம் நடந்துள்ளது.



இந்த நபர் பேருந்து நிலையம் முன்பு உள்ள சாலையில் அசையாமல் நின்றிருந்தார்.



அப்போது அவ்வழியே சென்ற மக்கள் இந்த காட்சியைக் கண்டு ஆச்சரியமடைந்தனர்.



சிலர் இந்த காட்சியை தங்கள் கைபேசிகளில் வீடியோவாக பதிவு செய்தனர்.



இந்த வீடியோக்கள் சமூக வலைதளங்களில் பகிரப்பட்டு, தற்போது வைரலாகி வருகின்றன. மது போதையில் இருந்த இந்த நபர், எவ்வித அசைவும் இன்றி சிலை போல நின்றிருந்தது பலரது கவனத்தை ஈர்த்துள்ளது.

பொதுவெளியில் இத்தகைய செயல்கள் அபாயகரமானவை என்பதோடு, சட்டவிரோதமானவை என்பதும் குறிப்பிடத்தக்கது. மது அருந்திவிட்டு பொது இடங்களில் இவ்வாறு நடந்து கொள்வது சமூக அச்சுறுத்தலாகவும், விபத்துக்களுக்கு வழிவகுக்கும் என்றும் பொதுமக்கள் கருத்து தெரிவித்துள்ளனர்.

இது போன்ற சம்பவங்கள் தொடர்ந்து நிகழாமல் இருக்க காவல்துறையினர் கண்காணிப்பை அதிகரிக்க வேண்டும் என்றும், மது போதையில் பொது இடங்களில் அலைபவர்கள் மீது கடும் நடவடிக்கை எடுக்க வேண்டும் என்றும் பொதுமக்கள் கோரிக்கை விடுத்துள்ளனர்.