ஸ்ரீ கிருஷ்ணா 2017 சாம்பியன் பட்டம் வென்ற கோவை தினமலர் கிரிக்கெட் அணி

கோவை மாவட்டம், குனியமுத்தூர் பகுதியில் செயல்பட்டு வரும் ஸ்ரீ கிருஷ்ணா தொழில்நுட்பக் கல்லூரியின் சார்பில் மாவட்ட அளவிலான அனைத்து பத்திரிகையாளர் கிரிக்கெட் போட்டி மே 24 முதல் ஜூன் 10ம் தேதி வரை நடைபெற்றது.



இதில், மாவட்ட அளவில் 9 அணிகள் 'ஏ' மற்றும் 'பி' என இரு குழுக்கலாக பிரித்து ஏ-குழுவில் டைம்ஸ் ஆப் இந்தியா, தினமலர், ஹலோ எப்எம், தி இந்து அணிகளும், பி- குழுவில் தி நியூ இந்தியன் எக்ஸ்பிரஸ், டெக்கான் க்ரானிக்கல், தினகரன், மீடியா லெவன், சூரியன் எப்எம் ஆகிய அணிகளும் லீக் முறை போட்டியில் பங்கேற்றன.



இதன் இறுதிப் போட்டியில் டாஸ் வென்று முதலில் பேட் செய்த தினமலர் அணி 19 ஓவர் முடிவுகளில் அனைத்து விக்கெட்டுகள் இழப்பிற்கு 106 ரன்கள் எடுத்தது. தொடர்ந்து விளையாடிய டைம்ஸ் அப் இந்தியா அணி 17.4 ஓவர்களில் அனைத்து விக்கெட் இழப்பிற்கு 87 ரன்கள் எடுத்து தோல்வியடைந்தது.

இதனைத்தொடர்ந்து, ஸ்ரீ கிருஷ்ணா 2017 சாம்பியன் பட்டம் வென்ற கோவை தினமலர் கிரிக்கெட் அணிக்கு ஸ்ரீ கிருஷ்ணா தொழில்நுட்பக் கல்லூரியின் மெக்கட்ரானிக்ஸ் துறைத் தலைவர் பி.பாலமுருகன் மற்றும் மெக்கானிக்கல் துறைத் தலைவர் பி.அசோகவரதன் ஆகியோர் வெற்றிக் கோப்பையினை வழங்கினர்.