கமலின் அரசியல் வருகை குறித்து அஸ்வின் கருத்து

நடிகர் கமலஹாசன் அரசியல் பயணம் குறித்து கிரிக்கெட் வீரர் ரவிச்சந்திரன் அஸ்வின் கருத்து தெரிவித்துள்ளார். 

நடிகர் கமலஹாசன் இன்று தனது அரசியல் பயணத்தை துவக்கியுள்ளார். மதுரை ஒத்தக்கடை மைதானத்தில் இன்று நடைபெற உள்ள பிரமாண்ட பொதுக்கூட்டத்தில் தனது கட்சியின் பெயர், கொடி, கொள்கைகளை அறிமுகம் செய்ய உள்ளார். இந்த நிலையில், நடிகர் கமலஹாசன் அரசியல் வருகை குறித்து, தமிழகத்தைச் சேர்ந்தவரும், இந்திய கிரிக்கெட் அணியின் முன்னணி சுழற்பந்து வீச்சாளருமான அஸ்வின் தனது டுவிட்டர் பக்கத்தில் கருத்து தெரிவித்துள்ளார். 

அவர் வெளியிட்டுள்ள டுவிட்டர் பதிவில், “ தமிழகத்தில் இருந்து மற்றொரு சூப்பர் ஸ்டார் தனது அரசியல் பயணத்தை இன்று மாலை துவங்குகிறார். அரசியல் களம் மாபெரும் மாற்றத்துக்கு தயாராகிவிட்டதா..?,”என்று கேள்வி எழுப்பியுள்ளார்.