கிணத்துக்கடவில் அரசு பெண் மருத்துவர் உட்பட 6-பேருக்கு தொற்று உறுதி

கோவை: கிணத்துக்கடவு தாலுகா பகுதியில் அரசு பெண் மருத்துவர் உட்பட 6-பேருக்கு கொரோனா தொற்று உறுதி செய்யப்பட்டுள்ளது.

கோவை மாவட்டம் கிணத்துக்கடவு பகுதியில் கொரோனா தொற்று பாதிப்பு கடந்த சில வாரங்களாகக் குறைந்திருந்த நிலையில், மீண்டும் கொரோனா பரவல் அதிகரித்து வருகிறது.

அதன்படி இன்று ஒரே நாளில் கிணத்துக்கடவு தாலுகா பகுதியில் அரசு பெண் மருத்துவர் உள்ளிட்ட 6 பேருக்கு கொரோனா தொற்று ஏற்பட்டுள்ளதாகச் சுகாதாரத் துறையினர் தெரிவித்துள்ளனர்.

தொற்று ஏற்பட்ட பகுதிகளில் சுகாதாரத் துறையினர் தொடர்ந்து கண்காணிப்பு பணியில் ஈடுபட்டு நோய்த் தடுப்பு நடவடிக்கையில் ஈடுபட்டதாகத் தகவல் தெரிவித்தனர்.