பொள்ளாச்சி மற்றும் ஆனைமலையில் இன்று 7 பேருக்கு கொரோனா தொற்று பாதிப்பு - சுகாதாரத்துறை தகவல்!

கோவை: பொள்ளாச்சி மற்றும் ஆனைமலையில் இன்று 7 பேருக்கு கொரோனா தொற்று கண்டறியப்பட்டதாக சுகாதாரத்துறை தகவல் தெரிவித்துள்ளனர்.

பொள்ளாச்சியில் கொரோனா 2ம் அலை தீவரமாக பரவி வந்த நிலையில், மாவட்ட நிர்வாகம் மற்றும் சுகாதாரத் துறை சாப்பில் கடும் நோய் தடுப்பு நடவடிக்கைகள் மேற்கொள்ளப்பட்டு வருகிறது.

இதைத் தொடர்ந்து, நகர் மற்றும் கிராமப்புறங்களில் நோய் தொற்று கடந்த சில வாரங்களாகவே கட்டுக்குள் வந்துள்ளது.

இந்நிலையில், இன்று பொள்ளாச்சி தெற்கு ஒன்றியத்தில் 2 பேருக்கும், ஆனைமலையில் 5 பேருக்கும் என 7 பேருக்கு தொற்று கண்டறியப்பட்டது என்றும், நகரம் மற்றும் வடக்கு ஒன்றியத்தில் தொற்று பாதிப்பு யாருக்கும் கண்டறியப்படவில்லை என்றும் சுகாதாரத் துறை அதிகாரிகள் தெரிவித்தனர்.