பொறியியல் பணி காரணமாக நாளை ரயில் சேவையில் மாற்றம்

கருப்பூர் ரயில் நிலையத்தின் வழித்தடத்தில் பொறியியல் பணி நடைபெறுவதால் சேலம் மண்டலத்திற்கு உட்பட்ட ரயில் சேவையில் நாளை மாற்றியமைக்கப்பட்டுள்ளது. 

பொறியியல் பணியையொட்டி நாளை (01-01-2018) மாற்றியமைக்கப்பட்ட ரயில்சேவையின் விபரங்கள் பின்வருமாறு :-

1) பிலாஸ்பூர் - எர்ணாகுளம் (22815) செல்லும் ரயில், விசாகபட்டினம் - கொல்லம் செல்லும் 07111 என்ற எண் கொண்ட சபரி சிறப்பு ரயில் ஆகியவை, தனுஷ்பேட்டை மற்றும் சேலம் நிலையத்திற்கிடையே நிறுத்தப்பட்டு 25 நிமிடங்கள் கழித்து இயக்கப்படும். 

2) சென்னை சென்ட்ரல் - கோவை (12675) செல்லும் கோவை எக்ஸ்பிரஸ், ஜோலார்பேட்டை மற்றும் சேலம் இடையே சுமார் 25 நிமிடங்கள் நிறுத்தப்பட்டு இயக்கப்படும். இதன் காரணமாக கோவையில் இருந்து சென்னை செல்லும் ரயில் 25 நிமிடங்கள் தாமதமாக புறப்படும். 

3) சென்னை - மங்களூர் மேற்கு கடற்கரை எக்ஸ்பிரஸ் ரயில் (22637) மொரப்பூர் மற்றும் பொம்மிடி இடையே 20 நிமிடங்கள் நிறுத்தி வைக்கப்பட்டு இயக்கப்படும். 

4) சென்னை - கோவை செல்லும் சதாப்தி விரைவு ரயில் (12243) ஜோலார்பேட்டை மற்றும் சேலம் பிரிவுக்கிடையே 35 நிமிடங்கள் நிறுத்தப்பட்டு இயக்கப்படும். மேலும், இந்த ரயில், கோவை - சென்னை சதாப்தி விரைவு வண்டி (12244) புறப்பாட்டிற்காக 35 நிமிடங்கள் தாமதமாக்க புறப்படும். 

5) சேலம் - காட்பாடி (66020) ரயில் சேலத்துக்கும், ஜோலார்பேட்டைக்கும் இடையில் 30 நிமிடங்கள் நிறுத்தி வைக்கப்பட்டு இயக்கப்படும்

நாளைய தினம் ரத்து செய்யப்பட்ட ரயில்கள் : 

1) காட்பாடி - சேலம் பயணிகள் ரயில் (66019), குறுகிய காலத்திற்கு ரத்து செய்யப்பட்டுள்ளது. அது போலவே, சேலம் முதல் தின்னப்பட்டி நிலையம் செல்வதற்கான சேலம் - காட்பாடி பயணிகள் ரயில் ரத்து செய்யப்பட்டுள்ளது.