2019-ம் ஆண்டு பொங்கல் பண்டிகைக்கான ரயில் டிக்கெட் முன்பதிவு தொடக்கம்

அடுத்த ஆண்டு பொங்கல் பண்டிகையை பொதுமக்கள் சொந்த ஊர்களுக்குச் சென்று கொண்டாடுவதற்கு ஏதுவாக, ரயில் டிக்கெட் முன்பதிவு இன்று தொடங்கியது.

தமிழர் திருநாளான பொங்கல் பண்டிகை வருகின்ற 2019 ஜனவரி 15-ஆம் தேதி கொண்டாடப்பட இருக்கிறது. குறைந்தது 3 நாட்கள் விடுமுறை கிடைக்கும் என்பதால் வெளியூர்களில் பணிபுரியும் லட்சக்கணக்கானோர் தங்களின் சொந்த ஊர்களுக்கு சென்று குடும்பத்துடன் பண்டிகையை கொண்டாடுவர். கட்டணம், நேரம் விரயம் தவிர்ப்பதற்காக பெரும்பாலானோர் ரயில் பயணங்களை தேர்வு செய்கின்றனர். அவர்களின் வசதிக்காக ஜனவரி 11-ஆம் தேதிக்கான முன்பதிவு இன்று காலை 8 மணிக்கு தொடங்கி நடைபெற்று வருகிறது. 

ஏராளமான பயணிகள் ரயில் நிலைய கவுண்ட்டர்களிலும், ஆன்லைன் வாயிலாகவும் தங்களின் இருக்கைகளை உறுதி செய்து வருகின்றனர்.இதேபோல, 12-ஆம் தேதிக்கான முன்பதிவு நாளையும், 13ஆம் தேதிக்கு நாளை மறுநாளும், 14ஆம் தேதிக்கு ஞாயிற்றுக்கிழமையும் நடக்கிறது.