வெள்ள பாதிப்பால் கேரளாவிற்கு இயக்கப்படும் ரயில்களின் சேவையில் மாற்றம்

கனமழை, வெள்ளப்பெருக்கு மற்றும் நிலச்சரிவு போன்ற காரணங்களால் பாலக்காடு மற்றும் திருவனந்தபுரம் பகுதிகளுக்குட்பட்டு இயக்கப்படும் ரயில்களின் சேவையில் மாற்றம் செய்யப்பட்டுள்ளது. 

இது தொடர்பாக தெற்கு ரயில்வே வெளியிட்டுள்ள அறிவிப்பில் கூறியிருப்பதாவது :- சொர்ணூர் - கோழிக்கோடு மற்றும் எர்ணாகுளம் - கோட்டம் - கயம்குளம் ஆகியவற்றிற்கு இடையே இயக்கப்படும் ரயில்களின் சேவையில் மாற்றம் செய்யப்பட்டுள்ளது. இன்று இயக்கப்படவிருந்த ரயில் எண் : 12624. திருவனந்தபுரம் - சென்னை மெயிலின் சேவை முழுவதும் ரத்து செய்யப்பட்டுள்ளது.

பகுதி இயக்கப்படும் ரயில்கள் (ஆக.,20) : 

ரயில் எண் : 12696. திருவனந்தபுரம் - சென்னை சென்ட்ரல் எக்ஸ்பிரஸின் திருவனந்தபுரம் - பாலக்காடு இடையிலான சேவை ரத்து செய்யப்பட்டுள்ளது. பாலக்காட்டில் இருந்து நிர்ணயிக்கப்பட்ட நேரத்தில் புறப்படும். 

 

ரயில் எண் : 22640. அலப்பி - சென்னை எக்ஸ்பிரஸ் ரயில் கோவையில் இருந்து நிர்ணயிக்கப்பட்ட நேரத்தில் இருந்து தனது சேவையை தொடங்கும். ஆனால், அலப்பி - கோவை இடையிலான சேவை மட்டும் ரத்து செய்யப்படுகிறது. 

ரயில் எண் : 22643. எர்ணாகுளம் - பாட்னா எக்ஸ்பிரஸின் சேவையானது, எர்ணாகுளம் - கோவை இடையே ரத்து செய்யப்படுகிறது. நிர்ணயிக்கப்பட்ட நேரத்தில் கோவையில் இருந்து பாட்னாவிற்கு பயணிகள் ரயில் இயக்கப்படும். 

 

ரயில் எண் 12777 ஹுப்ளி ரயில் - கொச்சிவேலி எக்ஸ்பிரஸ் சிறப்பு ரயில் கோவையில் இருந்து ஹுப்ளி ரயில்நிலையத்திற்கு, பிற ரயில்களி சேவை இல்லாத போது இயக்கப்படுகிறது.