கோவை மாவட்ட ஆட்சியர் தலைமையில் 'மக்கள் தொடர்பு முகாம்'..!

கோவை: கோவை மாதம்பட்டி கிராமத்தில் 20-ம் தேதி மாவட்ட ஆட்சியர் ஜி.எஸ்.சமீரன் தலைமையில் மக்கள் தொடர்பு முகாம் நடைபெற உள்ளது.

இது தொடர்பாக மாவட்ட நிர்வாகம் வெளியிட்டுள்ள செய்தி அறிக்கையில், பேரூர் வட்டம், மாதம்பட்டி கிராமத்தில் வரும் 20-ம் தேதி காலை 10-மணி அளவில் மாவட்ட ஆட்சியர் தலைமையில் மக்கள் தொடர்பு முகாம் நடைபெற உள்ளதாகவும், அக்கிராமத்தில் கோவை தெற்கு வருவாய் கோட்டாட்சியர் 10-ம் தேதி காலை 10.30-மணியளவில் மாதம்பட்டி வருவாய் ஆய்வாளர் அலுவலகத்தில் பொது மக்களிடம் மனுக்களை பெற உள்ளதாக தெரிவிக்கப்பட்டுள்ளது.

அதனைத் தொடர்ந்து துறை அலுவலர்கள் மூலம் விசாரணை செய்து 20ம் தேதி நடைபெற உள்ள முகாமில் பயனாளிகளுக்கு நலத்திட்ட உதவிகள் வழங்கப்பட உள்ளதாக தெரிவிக்கப்பட்டுள்ளது.