கிணத்துக்கடவில் திமுக வேட்பாளர் கனகராஜ் வீடு வீடாகச் சென்று வாக்கு சேகரிப்பு

கோவை: கிணத்துக்கடவு பேரூராட்சி 1-வது வார்டு திமுக வேட்பாளர் கனகராஜ் வீடு வீடாகச் சென்று வாக்கு சேகரிப்பில் ஈடுபட்டார்.

கிணத்துக்கடவு பேரூராட்சி பகுதியில் உள்ள 1-வது வார்டில் திமுக சார்பில் நகர பொறுப்பாளர் கனகராஜ் போட்டியிடுகிறார். திமுக சார்பில் களம் இறங்கிய கனகராஜ் இன்று வீடு வீடாக சென்று வாக்கு சேகரிப்பில் ஈடுபட்டார்.



1-வது வார்டுக்குட்பட்ட கிருஷ்ணசாமிபுரம் பகுதியில் உள்ள வீடுகளுக்கு நேரில் சென்று பொதுமக்களுக்குச் சால்வை அணிவித்து திமுக ஆட்சியின் சாதனைகளைக் கூறி உதயசூரியன் சின்னத்திற்கு வாக்கு சேகரித்தார்.

இவருடன் கிணத்துக்கடவு பேரூராட்சி தேர்தல் பொறுப்பாளர் கே.சி. கலைமணி உள்ளிட்ட கட்சி நிர்வாகிகள் பலர் சென்று உதயசூரியன் சின்னத்திற்கு வாக்கு சேகரித்தனர்.