கோவையில் 50-க்கும் மேற்பட்டோர் திமுகவில் இணைந்தனர்

கோவை: கோவை நாகராஜபுரம் பகுதியைச் சேர்ந்த 50க்கும் மேற்பட்டோர் 97 வது வார்டு வேட்பாளர் நிவேதா சேனாதிபதி முன்னிலையில் திமுகவில் இணைந்தனர்.

கோவை மதுக்கரை பகுதி 97 வது வார்டு திமுக கவுன்சிலர் வேட்பாளர் நிவேதா சேனாதிபதி வாக்கு சேகரிப்பைத் துவக்கியுள்ளார்.



இந்நிலையில் சுந்தராபுரம் பகுதியில் நடைபெற்ற திமுக நிகழ்ச்சியில் 50க்கும் மேற்பட்ட மாற்றுக் கட்சியினர் நிவேதா சேனாதிபதி முன்னிலையில் திமுகவில் இணைந்தனர்.

கட்சியில் இணைந்தவர்களுக்கு நிவேதா சேனாதிபதி திமுக சால்வை அணிவித்து வாழ்த்து தெரிவித்து புகைப்படம் எடுத்துக் கொண்டார். மேலும் முதல்வரின் சாதனைகளை மக்களிடம் கூறி திமுகவிற்காக வாக்கு சேகரிக்க வேண்டும் எனவும் கேட்டுக்கொண்டார்.



நிவேதா சேனாதிபதி கோவையில் திமுக சார்பில் போட்டியிடும் வேட்பாளர்களில் இளம் வேட்பாளர் என்பது குறிப்பிடத்தக்கது.