மத்திய பட்ஜெட்: சிறு-குறு தொழில்களுக்கு எந்த விதத்திலும்‌ ஏற்றம்‌ இல்லை- கொசிமா

கோவை: மத்திய பட்ஜெட்டில், சிறு குறு தொழில்களுக்கு எந்த விதத்திலும்‌ ஏற்றம்‌ இல்லை என கொசிமா தெரிவித்துள்ளது.

இதுகுறித்து கோவை சிட்கோ தொழிற்பேட்டை உற்பத்தியாளர்கள் நலச்சங்கம் கூறியுள்ளதாவது:-

இன்று மத்திய நிதியமைச்சர்‌ தாக்கல்‌ செய்த நிதிநிலை அறிக்கையில்,‌ சிறு குறு தொழில்களுக்கு வழங்கும்‌ அவசரகாலகடன்‌ திட்டத்தை 2023-வரை நீட்டிப்பு செய்ததை வரவேற்கிறோம்‌.

அதேபோல்‌, மூன்று ஆண்டுகளில்‌ ரயில்வேயில்‌ 400-புதிய ரயில்கள்‌ வந்தே பாரத்‌ திட்டத்தின்‌ கீழ்‌ இயக்கப்படுவதையும்‌, சோலார்‌ மின்‌ உற்பத்திக்கு 19500/- கோடி நிதி உதவி அளித்ததையும்‌, ராணுவத் தளவாட உற்பத்தியில்‌ 68-சதவிகிதம்‌ உள்நாட்டில்‌ உற்பத்தி செய்ய ஊக்கம்‌ அளிப்பதையும்‌, நாங்கள்‌ வரவேற்கிறோம்‌.

அதேபோல்‌, நாங்கள்‌ எதிர்பார்த்த தனிநபர்‌ வருமான வரி விதிப்பு வரம்பு உயர்த்தப்படும்‌ என்று எதிர்‌ பார்த்தோம்‌ ஏமாற்றமளிக்கிறது. அதேபோல்‌ GST JOB WORK 5% ஆக குறைக்க வேண்டும்‌ என்ற எங்கள்‌ கோரிக்கை ஏமாற்றமளிக்கிறது.

மேலும்‌, சிறு குறு தொழில்களுக்கு மூலதன கடன்‌ மானியம்‌ அதிகரிக்க வேண்டும்‌, என்று எதிர்பார்த்தோம்‌. அதுவும்‌ ஏமாற்றமளிக்கிறது.

குறு மற்றும்‌ சிறு தொழில்களுக்கு வழங்கப்படும்‌, கடன்களுக்கு 5-சதவிகித வட்டி வேண்டும்‌ என்ற, கோரிக்கையைக் கருத்தில்‌ கொள்ளவில்லை. ஆக மொத்தம்‌ இந்த நிதிநிலை அறிக்கை சிறு குறு தொழில்களுக்கு எந்த விதத்திலும்‌ ஏற்றம்‌ இல்லை என்பது எங்கள்‌ கருத்து.

இவ்வாறு கொசிமா தெரிவித்துள்ளது.