கோவையில் உரிய ஆவணங்களின்றி எடுத்து செல்லப்பட்ட பணம் பறிமுதல்

கோவை: கோவை மாநகராட்சியில் நகர்ப்புற உள்ளாட்சி தேர்தல் 2022-நடத்தை விதிமுறைகளை பின்பற்றி, பறக்கும் படை குழுவினர் -1 விளாங்குறிச்சி சாலை, தண்ணீர் பந்தல் பகுதியில் வாகன சோதனையின் போது எவ்விதமான ஆவணங்களின்றி கொண்டு சென்ற ரூ .1,83,700 / - பணத்தை கைப்பற்றினர்.

கோயம்புத்தூர் மாநகராட்சியில் நகர்ப்புற உள்ளாட்சி சாதாரண தேர்தல் 2022-நடத்தை விதிமுறைகளை பின்பற்றி, பறக்கும் படை குழுவினர் -1 ( FST 1)இன்று 30.01.2022 காலை 8 மணியளவில் கோவை மாநகராட்சி வடக்கு மண்டலத்திற்குட்பட்ட வார்டு எண் .24 விளாங்குறிச்சி சாலை, தண்ணீர் பந்தல் பகுதியில் வாகன சோதனையின் போது எவ்விதமான ஆவணங்களுமின்றி கொண்டு சென்ற ரூ .1,83,700 / - ( ரூபாய் ஒரு லட்சத்து எண்பத்தி மூன்றாயிரத்து எழுநூறு மட்டும் ) கைப்பற்றப்பட்டது.

கோவை ரேஸ்கோர்ஸ் பகுதியில் உள்ள சார்பு கருவூல அலுவலர் அவர்களிடம் தகவல் தெரிவிக்கப்பட்டு, இப்பணம் எங்கிருந்து வந்தது யாருக்குச் செல்கிறது என விரிவான விசாரணை செய்யக் கோயம்புத்தூர் மாவட்ட வடக்கு உதவி கருவூல் அலுவலரிடம் ஒப்படைக்கப்பட்டது.