லாட்டரி விற்பனை இருவர் கைது: கோவையில் தொடரும் கைது படலம்.!!

கோவை: கோவை மாவட்ட காவல் கண்காணிப்பாளர் செல்வநாகரத்தினம் உத்தரவின் பேரில் மாவட்டம் முழுவதும் அதிரடியாக சோதனையில் ஈடுபட்டனர்.

கோவை மாவட்ட காவல் கண்காணிப்பாளர் செல்வநாகரத்தினம் உத்தரவின் பேரில் மாவட்டம் முழுவதும் நடத்திய அதிரடி சோதனையில் மேட்டுப்பாளையம் காவல் நிலைய எல்லைக்குட்பட்ட பகுதியில், உதவி ஆய்வாளர் தாமோதரன் ரோந்து பணியில் ஈடுபட்டிருந்த போது சக்கரவர்த்தி சந்திப்பின் அருகே சட்டத்திற்கு விரோதமாகத் தடை செய்யப்பட்ட லாட்டரி சீட்டுகளை விற்பனை செய்த மேட்டுப்பாளையம் பகுதியைச் சேர்ந்த A.அபுபக்கர் (43) மற்றும் P.நவீன் (20) ஆகிய இருவரையும் கைது செய்து, மேற்படி நபர்களிடம் இருந்து 3-ஆம் நம்பர் எழுதப்பட்ட 33-பக்கம் கொண்ட லாட்டரி பில் புத்தகம்-2 மற்றும் ரூ7300/- பறிமுதல் செய்தும் வழக்குப் பதிவு செய்து மேற்படி நபர்களை நீதிமன்ற காவலுக்கு உட்படுத்தினர்.

மேற்படி சட்ட விரோத செயல்களில் ஈடுபடுவோர் மீது கடுமையான நடவடிக்கை எடுக்கப்படும் எனக் கோவை மாவட்டக் காவல் கண்காணிப்பாளர் எச்சரித்துள்ளார்.

இதுபோன்ற சட்ட விரோத செயல்களில் ஈடுபடுவார்கள் மீது தகவல் தெரிவிக்க கோவை மாவட்டக் காவல் கட்டுப்பாட்டு அறை எண் 94981-81212 மற்றும் வாட்ஸ்அப் எண் 77081-00100 என்ற எண்ணிலும் தொடர்பு கொண்டு தகவல் தெரிவிக்கலாம். தகவல் தெரிவிப்போரின் ரகசியங்கள் காக்கப்படும்.