கிணத்துக்கடவில் திமுக கட்டுமானம் மற்றும் அமைப்புசாரா தொழிலாளர் சங்கம் சார்பில் நலவாரிய உறுப்பினர் சேர்க்கை முகாம்.!!

கோவை: கிணத்துக்கடவில் திமுக கட்டுமானம் மற்றும் அமைப்புசாரா தொழிலாளர் சங்கம் சார்பில் நலவாரிய உறுப்பினர் சேர்க்கை முகாம் நடைபெற்றது.

கோவை மாவட்டம் திமுக கட்டுமானம் மற்றும் அமைப்பு சாரா தொழிலாளர் முன்னேற்ற சங்கம் கிளை அலுவலகம் பொள்ளாச்சி சாலையில் உள்ள மாடர்ன் பிரஸில் தொடங்கப்பட்டுள்ளது. இந்த கிளை அலுவலகத்தில் இன்று நல வாரியங்களுக்கான உறுப்பினர் சேர்க்கை முகாம் நடைபெற்றது.

மாவட்ட திமுக பொறுப்புக் குழு உறுப்பினர் கதிர்வேல் தலைமையில் நடைபெற்ற இந்த முகாமில் ஏராளமானோர் கலந்துகொண்டு ஆதார் அட்டை போன்ற ஆவணங்களை வழங்கி உறுப்பினர்களாகச் சேர்ந்தனர்.

இந்த முகாமில் கோவை மாவட்ட திமுக கட்டுமானம் மற்றும் அமைப்பு சாரா தொழிலாளர் முன்னேற்றச் சங்க பொதுச்செயலாளர் கிருஷ்ணசாமி, அலுவலகப் பொறுப்பாளர் பகலவன், கிணத்துக்கடவு தொழிற்சங்க நிர்வாகிகள் தமிழ்பித்தன், கிணவை கணேசன், மிசா சிவசாமி, கே.ஜே. லட்சுமணன், டேவிட், மணிகண்டன், அண்ணாநகர் ஈஸ்வரன் உள்ளிட்ட பலர் கலந்து கொண்டனர்.