கோவையில் அரசாங்கத்தால் தடை செய்யப்பட்ட சுமார் 800-கிராம் கஞ்சா பறிமுதல்.!!

கோவை: கோவை மாவட்டக் காவல் கண்காணிப்பாளர் செல்வநாகரத்தினம் உத்தரவின் பேரில் போதைப்பொருட்களை ஒழிக்கும் நடவடிக்கையாக அதிரடி சோதனையில் ஈடுபட்ட போது, அரசாங்கத்தால் தடை செய்யப்பட்ட சுமார் 800-கிராம் கஞ்சாவை காவல் துறை பறிமுதல் செய்தனர்.

கோவை மாவட்டக் காவல் கண்காணிப்பாளர் செல்வநாகரத்தினம் உத்தரவின் பேரில் போதைப்பொருட்களை ஒழிக்கும் நடவடிக்கையாக DAD-Drive Against Drugs என்ற பேரில் கோவை மாவட்டத்தில் உள்ள அனைத்து காவல் நிலையங்களிலும் நடத்திய அதிரடி சோதனையில் அரசாங்கத்தால் தடை செய்யப்பட்ட கஞ்சாவை விற்பனைக்கு வைத்திருந்த மேட்டுப்பாளையம் காவல் நிலைய பகுதியைச் சேர்ந்த M.லோகேஷ் (வயது 35), சுல்தான்பேட்டை காவல் நிலைய பகுதியைச் சேர்ந்த R.ரங்கசாமி (வயது 60) ஆகிய 2-நபர்களைக் கைது செய்து அவர்களிடம் இருந்து சுமார் 800-கிராம் கஞ்சா பறிமுதல் செய்தனர்.

இது போன்ற சட்ட விரோத செயலில் ஈடுபடுவோர் மீது கடுமையான நடவடிக்கை எடுக்கப்படும் என கோவை மாவட்டக் காவல் கண்காணிப்பாளர் எச்சரித்துள்ளார்.

இதுபோன்ற சட்ட விரோத செயல்களில் ஈடுபடுவோர் பற்றி தகவல் தெரிவிக்க கோவை மாவட்ட காவல் கட்டுப்பாட்டு அறை எண் 94981-81212 மற்றும் வாட்ஸ்அப் எண் 77081-00100 என்ற எண்ணிலும் தொடர்பு கொண்டு தகவல் தெரிவிக்கலாம். தகவல் தெரிவிப்போரின் ரகசியங்கள் காக்கப்படும்.