துடியலூரில் கஞ்சா விற்பனையில் ஈடுபட்டு வந்த மூதாட்டி மற்றும் வாலிபர் கைது.!!

கோவை: தொடர்ந்து இளைஞர்களிடம் கஞ்சா விற்பனை செய்து வந்த மூதாட்டி உட்பட வாலிபரை காவல்துறை கைது செய்தனர்.

கோவை மாவட்டக் காவல் கண்காணிப்பாளர் செல்வநாகரத்தினம் உத்தரவின் பேரில் போதைப்பொருட்களை ஒழிக்கும் நடவடிக்கையாக DAD-Drive Against Drug என்ற பேரில் கோவை மாவட்டத்தில் உள்ள அனைத்து காவல் நிலையங்களிலும் நடத்திய அதிரடி சோதனையில் ஈடுபட்டனர்.

அரசாங்கத்தால் தடை செய்யப்பட்ட கஞ்சாவை விற்பனைக்கு வைத்திருந்த துடியலூர் பகுதியைச் சேர்ந்த M.மேகலை (வயது-56) கருமத்தம்பட்டி பகுதியைச் சேர்ந்த R. ஜெகதீஷ் (வயது-21) ஆகிய 2-நபர்களைக் கைது செய்து அவர்களிடம் இருந்து சுமார் 2.200-கிலோ கிராம் கஞ்சா பறிமுதல் செய்யப்பட்டு வழக்குப் பதிவு செய்து மேற்படி நபர்களை நீதிமன்ற காவலுக்கு உட்படுத்தினர்.

இது போன்ற சட்ட விரோத செயலில் ஈடுபடுவோர் மீது கடுமையான நடவடிக்கை எடுக்கப்படும் எனக் கோவை மாவட்டக் காவல் கண்காணிப்பாளர் எச்சரித்துள்ளார்.

இதுபோன்ற சட்ட விரோத செயல்களில் ஈடுபடுவோர் பற்றி தகவல் தெரிவிக்கக் கோவை மாவட்ட காவல் கட்டுப்பாட்டு அறை எண் 94981-81212 மற்றும் வாட்ஸ்அப் எண் 77081-00100 என்ற எண்ணிலும் தொடர்பு கொண்டு தகவல் தெரிவிக்கலாம். தகவல் தெரிவிப்போர்றின் ரகசியங்கள் காக்கப்படும்.