கொரோனா தடுப்பூசி முகாமில் திருப்பூர் தெற்கு தொகுதி தி.மு.க எம்.எல்.ஏ செல்வராஜ் திடீர் ஆய்வு.!!

திருப்பூர்: திருப்பூர் - விஜயாபுரம் அரசு பள்ளி சிறப்பு கொரோனா தடுப்பூசி முகாமில், திருப்பூர் தெற்கு தொகுதி தி.மு.க எம்.எல்.ஏ செல்வராஜ் திடீர் ஆய்வு மேற்கொண்டார்.

தமிழக முதலமைச்சர் மு.க.ஸ்டாலின் அறிவுறுத்தலின்படி, 18-வயதிற்கு மேற்பட்ட அனைவரும் 3-ம் கட்ட சிறப்புத் தடுப்பூசி முகாம் நடைபெற்றது. திருப்பூர் மாவட்டத்தில் 18-வயதிற்கு மேற்பட்டவர்கள் 20-லட்சத்து 77-ஆயிரத்து 9- பேர் உள்ளனர். இதுவரை 14-லட்சத்து 55-ஆயிரத்து 387-பேருக்கு முதல் தவணையும், 3-லட்சத்து 9-ஆயிரத்து 682-பேருக்கு 2-வது தவணையும் தடுப்பூசி வழங்கப்பட்டுள்ளது.

மேலும், 6-லட்சத்து 21-ஆயிரத்து 708-பேருக்கு முதல் தவணையும், 58-ஆயிரத்து 536-பேருக்குப் பேருக்கு 2-ம் தவணையும் தடுப்பூசி செலுத்த வேண்டியுள்ளது. முதற்கட்டமாகக் கடந்த 12-ந் தேதி நடந்த முகாமில் 1-லட்சத்து 23-ஆயிரத்து 163- பேருக்கும், 2-ம் கட்டமாகக் கடந்த 19-ந்தேதி நடந்த முகாமில் 89-ஆயிரத்து 379-பேருக்கும் தடுப்பூசி செலுத்தப்பட்டுள்ளது.

தொடர்ந்து திருப்பூர் மாவட்டத்தில் இன்று நடைபெறும் 3-வது கட்ட சிறப்பு முகாமில் 80-ஆயிரம் பேருக்குத் தடுப்பூசி செலுத்த இலக்கு நிர்ணயிக்கப்பட்டுள்ளது. இந்த சிறப்புத் தடுப்பூசி முகாமில் 631-நிலையான முகாம்களிலும், 41- நடமாடும் முகாம்கள் என 672-மையங்களில் காலை 7-மணி முதல் இரவு 7- மணி வரை நடைபெற உள்ளது.

இந்த முகாம்கள் அரசு மருத்துவமனைகள், பள்ளிகள், ரயில் நிலையங்கள், பேருந்து நிலையங்கள் ஆகிய இடங்களில் தடுப்பூசி போடப்படுகிறது. இந்த பணிக்காக பல்வேறு துறைகளைச் சார்ந்த 2-ஆயிரத்து 688-பணியாளர்கள் மற்றும் தன்னார்வலர்கள் ஈடுபட்டுள்ளனர்.

இந்நிலையில் இன்று திருப்பூர் விஜயாபுரம் அரசு பள்ளியில் நடந்த முகாமினை எம்.எல்.ஏ செல்வராஜ் திடீர் ஆய்வு மேற்கொண்டு தடுப்பூசி செலுத்தும் பணிகளைப் பார்வையிட்டார். இந்த சிறப்பு முகாமானது மாலை ஏழு மணி வரை நடைபெறுகிறது.