திருப்பூர் வடக்கு தொகுதியில் 6வது சுற்று முடிவில் அதிமுக முன்னிலை!

திருப்பூர்: திருப்பூர் வடக்கு தொகுதியில் 6வது சுற்றின் முடிவில் அதிமுக வேட்பாளர் விஜயகுமார் முன்னிலை வகிக்கிறார்.

தமிழக சட்டப்பேரவையில் பதிவான வாக்குகள் எண்ணும் பணி இன்று காலை 8 மணிக்கு தொடங்கி நடைபெற்று வருகிறது. திருப்பூர் (வடக்கு) தொகுதியில் அதிமுக வேட்பாளர் விஜயகுமார் 6வது சுற்றின் முடிவில் 23, 244 வாக்குகள் பெற்றுள்ளார்.

விஜயகுமார் தன்னை எதிர்த்துப் போட்டியிட்ட திமுக வேட்பாளரை விடவும் 10,888 வாக்குகள் அதிகம் பெற்று முன்னிலையில் உள்ளதாக அதிகாரப்பூர்வமாக அறிவிக்கப்பட்டுள்ளது. தி.மு.க. கூட்டணியில் போட்டியிட்ட இந்திய கம்யூனிஸ்ட் வேட்பாளர் ரவி (எ) சுப்பிரமணியன் 12,356 வாக்குகள் பெற்று இரண்டாம் இடத்தில் உள்ளார்.

அமமுக கூட்டணியில் இடம்பெற்றுள்ள தேமுதிக வேட்பாளர் செல்வகுமார் 508 வாக்குகள் மட்டுமே பெற்றுள்ளார். மக்கள் நீதி மய்யத்தின் வேட்பாளர் சிவபாலன் 2226 வாக்குகள் பெற்றுள்ளார். நாம் தமிழர் கட்சி வேட்பாளர் ஈஸ்வரன் 4138 வாக்குகள் பெற்றுள்ளார். நோட்டாவுக்கு376 வாக்குகள் கிடைத்துள்ளது.