கோவை: கோவை அடுத்த கோவைபுதூர் 3 வயது குழந்தை ஒரு பெண் மாயமானதால் குழந்தை கடத்தப்பட்டிருக்கலாம் என்ற வதந்தியால் அந்த பகுதியில் பரபரப்பு ஏற்பட்டது.
கோவை: கோவை அடுத்த கோவைபுதூர் 3 வயது குழந்தை ஒரு பெண் மாயமானதால் குழந்தை கடத்தப்பட்டிருக்கலாம் என்ற வதந்தியால் அந்த பகுதியில் பரபரப்பு ஏற்பட்டது.
கோவைபுதூர் பகுதியைச் சேர்ந்தவர் ஆட்டோ டிரைவருக்கு 3 வயதில் ஆண் குழந்தை உள்ளது. இந்நிலையில், சம்பவத்தன்று ஒரு ஆட்டோவில் பயணிகளை ஏற்றிக்கொண்டு அப்பகுதி வழியாக சென்று கொண்டிருந்தார்.
அப்போது, வீட்டில் விளையாடிக் கொண்டிருந்த தனது குழந்தையை ஒரு பெண் தூக்கிக் கொண்டு செல்வதைப் பார்த்தார். இதனால் அதிர்ச்சி அடைந்த அவர், பயணிகளை இறக்கிவிட்டு விட்டு குழந்தையை தேடினார். ஆனால், அதற்குள் பெண்ணும் குழந்தையும் மாயமாகி இருந்தனர்.
இதனால் பதட்டத்தில் செய்வதறியாது நின்ற ஆட்டோ டிரைவர் உடனே 100 டயல் செய்து எனது குழந்தையை கடத்தி விட்டார்கள் என கதறினார். இதனையடுத்து, குனியமுத்தூர் போலீசாருக்கு தகவல் அளிக்கப்பட்டது. போலீசார் குழந்தையை தேடும் பணியில் ஈடுபட்டனர். சுமார் 6 மணி நேரம் தேடி அலைந்த போலீசார் குழந்தையை அதே பகுதியில் மீட்டனர்.
அப்போது, விசாரணை நடத்தியதில் ஆட்டோ ஓட்டுனரின் குழந்தையை கடத்தியது டிரைவரின் பக்கத்து வீட்டைச் சேர்ந்த மனநலம் பாதிக்கப்பட்ட பெண் என்பது தெரியவந்தது. இதையடுத்து, போலீசார் ஆட்டோ டிரைவரிடம் குழந்தையை ஒப்படைத்த சமரசம் பேசி அனுப்பி வைத்தனர். மன நலம் பாதிக்கப்பட்டதால் அப்பெண்ணின் மீது எந்தவித நடவடிக்கையும் எடுக்காமல் பத்திரமாக வீட்டில் ஒப்படைத்தனர்.
குழந்தையை கடத்திவிட்டதாக தகவல் பரவியதால் கோவைப்புதூரில் சிறிது நேரம் பரபரப்பு ஏற்பட்டது. மேலும், போலீசார் அதிரடி நடவடிக்கை எடுத்து குழந்தையை மீட்டதற்கு பொதுமக்கள் பாராட்டு தெரிவித்தனர்.