கோவை அடுத்த குறிச்சி பகுதியில் சத்து மாத்திரையுடன் கூடிய நோய் எதிர்ப்பு தொகுப்பு - பொதுமக்களுக்கு எட்டிமடை சண்முகம் எம்எல்ஏ வழங்கினார்!

கோவை: கோவை அடுத்த குறிச்சி பகுதியில் 94வது வார்டில் சத்து மாத்திரையுடன் கூடிய நோய் எதிர்ப்பு தொகுப்பை நியாய விலை கடைகளின் மூலம் பொதுமக்களுக்கு கிணத்துக்கடவு சட்டமன்ற உறுப்பினர் எட்டிமடை சண்முகம் வழங்கினார்.



தமிழக முதலமைச்சர் எடப்பாடி பழனிசாமி அவர்களின் நல்லாட்சியில் கொரோனா நோய் தொற்று பரவலைத் தடுக்கும் வகையில் உள்ளாட்சித்துறை அமைச்சர் எஸ்.பி.வேலுமணி அவர்கள் தனது சொந்த செலவில் வழங்கி வரும் சத்து மாத்திரையுடன் கூடிய நோய் எதிர்ப்பு தொகுப்பை (Health Kit) கோவை கிணத்துக்கடவு சட்டமன்ற தொகுதி குறிச்சி பகுதி 94வது வார்டில் நியாயவிலைக் கடைகளின் மூலம் பொதுமக்களுக்கு கிணத்துக்கடவு சட்டமன்ற உறுப்பினர் எட்டிமடை சண்முகம் வழங்கினார்.

கபசுர குடிநீர், நோய் எதிர்ப்பு சக்தியை அதிகப்படுத்த கூடிய Vitamin C மாத்திரைகள் (40 Nos), Zinc மாத்திரைகள் (40 Nos), Arsenicum Album 30 மாத்திரைகள்(40 Nos) மற்றும் இந்த மாத்திரைகளை எவ்வாறு உட்கொள்ள வேண்டும் என்ற துண்டுப்பிரசுரம் ஆகிய பொருட்கள் இந்த Health Kit இடம் பெற்றுள்ளது.



இந்த நிகழ்ச்சியில் குறிச்சி பகுதி கழக செயலாளர் பெருமாள் சாமி மற்றும் கழக நிர்வாகிகள் மற்றும் தொண்டர்கள் பொதுமக்கள் அனைவரும் இத்தொகுப்பினை முக கவசம் அணிந்து சமூக இடைவெளியுடன் பெற்று கொண்டு தமிழக அரசுக்கும், அமைச்சர், சட்டமன்ற உறுப்பினர் மற்றும் பகுதி செயலாளர் அவர்களுக்கு தங்களது மனமார்ந்த நன்றியை தெரிவித்தனர்.