விஜயகாந்த் பிறந்த நாள்: கோவை தெற்கு மாவட்டம், பொள்ளாச்சி வடக்கு மற்றும் மேற்கு ஒன்றியத்தில் நலத்திட்ட உதவிகள்

கோவை: தேமுதிக தலைவா் விஜயகாந்தின் பிறந்த தினத்தை ஒட்டி, கோவை மாவட்டத்தில் உள்ள அவரது கட்சியினர் பல்வேறு நலத்திட்ட உதவிகளை செய்தனர்.

கோவை தெற்கு மாவட்டம், பொள்ளாச்சி வடக்கு மற்றும் மேற்கு ஒன்றியங்களை சேர்ந்த தேமுதிக கட்சியினர், கோவை.மற்றும் சுற்றுவட்டார பகுதிகளில் தேமுதிக தலைவா் விஜயகாந்தின் பிறந்த நாளை முன்னிட்டு கழக கொடியை ஏற்றிவைத்தும், இனிப்புகள் வழங்கியும், 50 கும் மேற்பட்ட ஏழை எளிய மக்களுக்கு காய்கறிகள், ஆயில், பருப்பு மற்றும் முக கவசம் ஆகிய நலத்திட்ட உதவிகள் வழங்கினர்.



கோவை தெற்கு மாவட்ட செயலாளர் முன்னாள் சட்டமன்ற உறுப்பினர் பனப்பட்டி கே. தினகரன் (Ex.,MLA) நிகழ்ச்சியை சிறப்பித்தார். பொள்ளாச்சி வடக்கு ஒன்றிய செயலாளர் N. S.சத்தியதேவ், தலைமையில் நடைபெற்ற இந்நிகழ்ச்சியில் மாநில செயற்குழு உறுப்பினர் M.முருகானந்தம், மாவட்ட மாணவர் அணி துணை செயலாளர் சரவணகுமார், மேற்கு ஒன்றிய அவை தலைவர் ராசு மற்றும் மகளிர் அணி கழக நிர்வாகிகள், தேமுதிக உறுப்பினர்கள் பொதுமக்கள் ஏராளமானோர் கலந்துகொண்டனர்.