கோவையில் 144 தடை உத்தரவை மீறியதாக மொத்தம் 187 வழக்குகள் பதிவு; 237 பேர் கைது

கோவை: கோவை மாநகர காவல் எல்லை மற்றும் மாவட்ட காவல் எல்லை என மொத்தம் இரண்டு காவல் எல்லைகளிலும் 144 தடை உத்தரவை மீறியதாக மொத்தம் 187 வழக்குகள் பதிவு செய்யப்பட்டு 237 பேர் கைது செய்யப்பட்டுள்ளனர்.

உலகையே அச்சுறுத்தி வரும் கொரோனா வைரஸின் தாக்கம் நாளுக்கு நாள் அதிகரித்து வரும் நிலையில், நாடு முழுவதும் 144 தடை உத்தரவு பிறப்பிக்கப்பட்டு பொதுமக்கள் ஒன்றுகூட தடை விதிக்கப்பட்டுள்ள நிலையிலும் பொதுமக்கள் ஆங்காங்கே வழக்கம்போல நடமாடி வருகின்றனர்.

இந்த நிலையில் பொதுமக்களின் நடமாட்டத்தை கட்டுப்படுத்தும் பொருட்டு தமிழக அரசின் உத்தரவின்படி போலீஸார் தற்போது 144 தடை உத்தரவை மீறுவோர் மீது வழக்குப்பதிவு செய்து வருகின்றனர்.

இப்படி கோவை மாநகரில் 144 தடை உத்தரவை மீறியதாக 74 வழக்குகள் போடப்பட்டு 79 பேர் கைது செய்யப்பட்டுள்ளனர்.

இவர்களிடமிருந்து 17 இருசக்கர வாகனங்கள் ஒரு கார் ஆகியவை பறிமுதல் செய்யப்பட்டுள்ளது.

இதேபோல, கோவை புறநகர் மாவட்டத்தில் 113 வழக்குகள் பதிவு செய்யப்பட்டு 152 பேர் கைது செய்யப்பட்டுள்ளனர். அவளிடமிருந்து 47 இருசக்கர வாகனங்கள் 4 கார்கள் ஆகியவற்றை போலீசார் பறிமுதல் செய்துள்ளனர்.

இப்படி கோவை மாவட்டம் முழுவதும் 187 வழக்குகள் பதிவு செய்யப்பட்டு 237 பேர் கைது செய்யப்பட்டுள்ளனர். இவர்களிடமிருந்து 64 மோட்டார்சைக்கிள்கள் 5 கார்கள் ஆகியவற்றை போலீசார் பறிமுதல் செய்துள்ளனர்.