நகர்ப்புற உள்ளாட்சி தேர்தலுக்கான வாக்காளர்‌ பட்டியலை வெளியிட்டார் மாநகராட்சி ஆணையர்

கோவை : கோவை மாநகராட்சியில்‌ நகாப்புற உள்ளாட்சி சாதாரண தேர்தல்‌ 2019க்கான வாக்காளர்‌ பட்டியலை மாநகராட்சி ஆணையாளர்‌ மற்றும்‌ தனி அலுவலர்‌ ஷ்ரவன்குமார்‌ ஜடாவத்‌ வெளியிட்டார்.

இதுகுறித்து மாநகராட்சி ஆணையாளர்‌ மற்றும்‌ தனி அலுவலர்‌ வெளியிட்டுள்ள அறிக்கையில்;-

கோவை மாநகராட்சியில்‌ 6 சட்டமன்றத்‌ தொகுதிகளும்‌, 100 வார்டுகளும்‌, 1216 வாக்குச்‌ சாவடிகளும்‌ உள்ளன. மாநகராட்சியில்‌ வாக்காளர்களின்‌ மொத்த எண்ணிக்கை பதினான்கு இலட்சத்து நாற்பத்து இரண்டாயிரத்து நூற்று ஏழு, இதில்‌ ஆண்‌ வாக்காளர்கள்‌ ஏழு இலட்சத்து இருபத்தி ஆறாயிரத்து நூற்று எழுபத்து ஆறு பேரும்‌, பெண்‌ வாக்காளர்கள்‌ ஏழு இலட்சத்து பதினைந்தாயிரத்து எழுநூற்று இருபத்து நான்கு பேரும்‌, பிறர்‌ இருநூற்று ஏழு பேரும்‌ உள்ளனர்‌.

மேலும்‌, மாநகராட்சியின்‌ அனைத்து மண்டலங்களிலும்‌ உள்ள வாக்குச்சாவடி மையங்களில்‌ வடக்கு மண்டலத்தில்‌ 195 வாக்குச்சாவடி மையங்களும்‌, கிழக்கு மண்டலத்தில்‌ 213 வாக்குச்சாவடி மையங்களும்‌, தெற்கு. மண்டலத்தில்‌ 236 வாக்குச்சாவடி மையங்களும்‌, மேற்கு மண்டலத்தில்‌ 246 வாக்குச்சாவடி மையங்களும்‌, மத்திய மண்டலத்தில்‌ 326 வாக்குச்சாவடி மையங்களும்‌ ஆக மொத்தம்‌ கோவை மாநகராட்சியின்‌ மொத்த வாக்குச்சாவடி மையங்களின்‌ எண்ணிக்கை 1216 என மாநகராட்சி ஆணையாளர்‌ மற்றும்‌ தனி அலுவலர்‌ ஷரவன்குமார்‌ ஜடாவத்‌ அவர்கள்‌ தெரிவித்தார்.