அக்.3ம் தேதி முதல் குரூப்-2 தேர்வு இலவச பயிற்சி வகுப்புகள் - திருப்பூர் மாவட்ட கலெக்டர் அறிவிப்பு

திருப்பூர் : திருப்பூர் மாவட்டத்தில் வரும் அக்.3ம் தேதி முதல் குரூப்-2 தேர்வுக்கான இலவச பயிற்சி வகுப்புகள் துவங்கப்படவுள்ளது என கலெக்டர் விஜயகார்த்திகேயன் அறிவித்துள்ளார். 

இந்நிலையில், நேற்று முன்தினம் தனது பேஸ்புக் பக்கத்தில் வெளியிட்டுள்ள வீடியோவில் அவர் கூறியதாவது: "டி.என்.பி.எஸ்.சி (TNPSC) குருப்-2 தேர்வுக்கு தயார் ஆகும் மாணவர்களுக்கு வரும் அக்.3ம் தேதி பயிற்சி வகுப்புகள் மாவட்ட கலெக்டர் அலுவலகத்தின் 4வது மாடியில் மாவட்ட வேலைவாய்ப்பு அலுவலகத்தில் பயிற்சி பெறலாம் என தெரிவித்தார். 

"திருப்பூர் மாவட்ட வேலைவாய்ப்பு மற்றும் தொழில்நெறி வழிகாட்டும் மையத்தில் தமிழ்நாடு அரசுப் பணியாளர் தேர்வாணையம் நடத்தும் குரூப்-2 தேர்வுக்கான இலவசப் பயிற்சி வகுப்புகள் வரும் 3-ம் தேதி காலை 11 மணிக்கு துவங்கப்படவுள்ளது. இப்பயிற்சி வகுப்பில், சிறந்த வல்லுநர்களைக் கொண்டு வகுப்புகள் நடத்தப்பட உள்ளது. மேலும் இந்த தேர்வுக்கு தயார் செய்ய உதவும் வகையில் 1500 புத்தகங்கள் தன்னார்வ பயிலும் நூலகத்தில் குறிப்புதவிக்கு வைக்கப்பட்டுள்ளன", என தெரிவித்தார். 

இத்தேர்வுக்கு விண்ணப்பிக்க தகுதியானவர்கள் இந்த இலவசப் பயிற்சி வகுப்பில் பங்கேற்கலாம். வகுப்பில் கலந்து கொள்ள தங்கள் பெயரை திருப்பூர் கலெக்டர் அலுவலகத்தில் 4-ம் தளத்தில் செயல்பட்டு வரும் மாவட்ட வேலைவாய்ப்பு மற்றும் தொழில்நெறி வழிகாட்டும் மையத்தில் பாஸ்போர்ட் சைஸ் போட்டோ, ஆதார் அட்டை, ஆகியவற்றுடன் பதிவு செய்து கொள்ளலாம் என அறிவித்துள்ளார. 

இப்பயிற்சியின் இறுதியில் மாதிரித் தேர்வுகள், பாடக்குறிப்புகள் ஆகியவை வழங்கப்பட உள்ளன என்பதால், இப்பயிற்சி வகுப்பில் சேர்ந்து பயன்பெறுமாறு கேட்டுக்கொண்டார்.