கோவையில் முதல் முறையாக வரும் 25-ம் தேதி பூனை கண்காட்சி மற்றும் பூனை வளர்க்கும் முறை குறித்து கருத்தரங்கு

கோவை : கோவை கேட்டரி கிளப் சார்பில் வரும் 25-ம் தேதி பூனை கண்காட்சி மற்றும் பூனை வளர்க்கும் முறை குறித்து கருத்தரங்கு நடைபெறுகிறது.



கோவை சுங்கம் பைபாஸ் ரோட்டில் உள்ள கோவை ரோட்டரி கிளப், டெக்ஸ்சிட்டி ஹாலில் வரும் 25-ம் தேதி காலை 10 மணிக்கு இந்த நிகழ்ச்சி நடக்கிறது. கோவை கேட்டரி கிளப் ஏற்பாடு செய்துள்ள கருத்தரங்கில், இந்தியாவின் ஒரே பூனை நடுவர் சுதாகர் கேடிகினேனி பேசுகிறார். பூனை குட்டிகள், பூனைகளை எப்படி பராமரிப்பது, பூனைகளை பெருக்குவது பற்றியும் அறியலாம். சந்தேகங்களை கேட்டு தெளிவு பெறலாம். பூனைகளைப் பற்றி அறிந்து கொள்ள இது பேருதவியாக இருக்கும்.

இதே நாளில், பூனைகளுக்கு, கோவை ஜெ.எஸ்.ஆர். செல்லப்பிராணிகள் சிறப்பு மருத்துவமனை டாக்டர் வேணுகோபால் இலவசமாக வெறி நாய்க்கடி தடுப்பூசி மற்றும் குடல்புழு நீக்கமும் செய்கின்றனர். உலகம் முழுவதும் 93 வகையான பூனைகள் உள்ளன. இந்தியாவில் மட்டும் 41 வகையான பூனைகள் உள்ளன. கோவையில் பெர்சியன் லாங் கோட், பெர்சியன் சாட் கோட், ஹிமாலயன் கேட், பெங்கால் கேட், சியாமிஸ் கேட், சைபீரியன், ருஷ்யன் ப்ளூ, இந்தியன் நாட்டு வகை பூனைகள் உள்ளன.