தென்மேற்கு மழையினால் பொலிவிழந்து காணப்படும் உதகை ரோஜா பூங்கா

நீலகிரி : உதகையில் தென்மேற்கு பருவமழை காரணமாக சர்வதேச புகழ் வாய்ந்த ரோஜா பூங்காவில் அழகுடன் காணப்படும் ரோஜா மலர்கள் அழுகி வருவதால் பூங்கா பொலிவிழந்து காணப்படுகிறது. 

தென்மேற்கு பருவ மழை காரணமாக நீலகிரி மாவட்டம் உதகை, குன்னூர், கோத்தகிரி ஆகிய பகுதிகளில் சாரல் மழை பெய்து வருவதுடன், அவ்வப்போது இரவு நேரங்களில் கனமழையும் பெய்து வருகிறது.



இந்த நிலையில், நீலகிரி மாவட்டத்திற்கு சுற்றுலா பயணிகள் நாள்தோறும் வந்து செல்கின்றனர். இதில், உதகையில் உள்ள அரசு தாவரவியல் பூங்கா மட்டுமல்லாமல் பல்வேறு சுற்றுலாத் தலங்களை கண்டு செல்கின்றனர். இதில், ரோஜா பூங்காவிற்கு சுற்றுலா பயணிகள் அதிக அளவில் வந்து செல்கின்றனர். 



இந்த, நிலையில், சாரல் மழை காரணமாக ரோஜா பூங்காவில் உள்ள ரோஜா பூக்கள் அழுகி வருவதால், ரோஜா பூங்காவில் சுற்றுலாப் பயணிகள் கூட்டம் குறைந்து, தொட்டபெட்டா, படகு இல்லம், ஆறாவது மெயில், அவலாஞ்சி உள்ளிட்டப் பகுதிகளை காண செல்கின்றனர். செப்டம்பர் மாதம் உதகையில் இரண்டாவது சீசன் துவங்கும் போது ரோஜா மலர்கள் வழக்கமான புதுப் பொலிலிவடையும் என்று பூங்கா ஊழியர்கள் தெரிவித்துள்ளனர்.